شمس الملوك

[ماجد الزيد]

يصعب النّظر إلى الشّمس مباشرة , والجميع / يرى بها الجميع

قرّبوا لي ما يشيّب له الطّفل الرّضيع=موج بحر ٍ مالسابع عميقه ايّ قاع
في بحر شمس الملوك إن غطس جاب البديع=درّة لعنقّا تسمّت لها بآخر صراع
انتهوا نصف العفاريت مقتول و صريع =وربعهم من خاتم الانبياء يشكي الصّداع
انبياء القاف ما شافوا الأمر الفظيع =من جمع كلّ الرسالات في نفس اليراع
من شهد قتل الزّناتي تخثّع مستريع=ومن سِمع قتل الخفاجي تكوّر ثمِّ زاع
سيف ابو زيد ٍ بدمّ القصايد له نقيع= اتعبه ما اتعب السّابقين بقينقاع
باني ٍ قصر القوافي على انقاض ريع=شاده لياقوتة ٍ ضاوية عند السّماع
يا عناقي من يجاوب على لفح الصّقيع=هل اياب ٍٍعن غياب ٍ فداعي الشوق داع
كم دعاك الي يلبّى على صوته سريع=ما وصلْك اللي وصل للخلايق ما اذاع ؟
بالصدر وحش ٍ موادع ولو ماهو وديع=ما شكى جور الدّهر يوم قلّ الاستماع
كم خفج في مخلبه جالٍ وضربه شنيع=بالضواري طوّع اللي لغيره ما اطاع
وكم غزا لعيون شمّا سبع ماهو سّبيع=وكم صفق جنب ٍ تخاله عقب صفقه شراع
وش لقى غير المواجع ونكران الجميع =كم خطف صيد الغضنفر متاعيس الضّباع
ما يضيع الطّيب عند النشاما ما يضيع=والرّدي لا كلب وافي ولا ذيب ٍ أراع
ناكر المعروف مهفي الجمالات الوضيع=مدّله روحك يقفّي بها والطيب ضاع
الله اكبر والفضاء كلّ جزلة به تشيع=والهزال تموت ما تبرح من الجوّ باع
لك ولا لغيرك يبنّى من البدع البديع=عاصمة فيها القوافي اميرات ٍ تطاع
عاصمة وانتِ عليها مليكة ما تطيع =غير قرم ٍ راضع العزّ من صغره رضاع
والله انّك في خفوقي مثل ورد الربيع=والمطر دمّي لعينك غذّا كلّ البقاع
سيّدة سادات قلبي شراها ما يبيع=والوفاء جاري بدمّي مخلّد ما يباع
ما هويتك من فضاوة , وحبّي لك رفيع=بيننا سيف ٍ وشلفى لو إنّ الليل فاع
انزفك طهْر الصباحات والنّور السطيع=وتعشقين الوجد صوت بْسنوات الضّياع ؟!
خطْر ٍ انّك لو نفختي على شوك وضريع=صار ورد ٍ مندفع لك على النّور اندفاع
ليه اموت الفين مرّة ولا لي من شفيع=وليه اشمّ الفقد وآنا عنّ احضانك ذراع
مصغي ٍ سمعي لبوحك وترجي لك سميع =مرخص ٍ عمري لعينك وعينك في متاع
لو تبين ارقى الثّريا لعينك استطيع=والشّعر لاذّنيك اشبع جماهير ٍ جياع
كلّ ما اقنب فوق مرقب خسى ميّة رقيع=وكلّ ما اظهر كبّر سْهيل وازوَر بالرعاع
كمّ ديجور بْكفوفي غفى باكي صفيع=وكمّ بدر آنار من شمسي وعوّد شعاع
لولا خوفي يقظة قْبور مكّة والبقيع=لانْقر الناقور وارمي عن العرش القناع
ولو يسر النّاي راع الشّليّة والقطيع=ما يسرّ العازف الي عشق ساح القِراع
وش يهمّ اذان مكّة اذن احمد قريع =ووش علي من امّة اتحطها بظهر الخداع
بين عرش ٍ خالع وبين مملوك ٍ خليع=ما يسرّك شوف لحية ولوهي للكراع
الشّجاع الي يحامي عن عيونه صنيع ؟!=والجبان الي يقاتل ولد عمّه شجاع؟!
انربط نابل دِمشق بْحبل قوس المطيع=واختلط زمزم بْنفط الخليج اللي يْضاع
ضاق بي صدري ولوهو قبْل هذا وسيع=علميني هو خفوقك لزاله لي وساع ؟
هذا انا / ناسك تعبقر ولا هو بالتّبيع=طاهر وحبّك تغلغل به لحبل النخاع
صاحبيه بْعسره ويسره وصدره منيع =والله انّك به مليكة ولك أمر ٍ مطاع
وبشريني من كلامي (ا)هو شاب الرّضيع=او مثل فهم أغلب النّاس وطبعه كالطّباع

[داعي الشوق]

صح لساانك مليووووووووووون يا بوحمد

يسعد صباحك و يسعد مساك

ولاهنت

************

[عبير الورد]

صح لسااااااااااااااانك مليااااااااااااااااراااااااااا ت
سلمت وسلم منطوقك الجزل
ربي يعطيك العافيه

[صعبة المنال]

ما يضيع الطّيب عند النشامـا مـا يضيـع
والـرّدي لا كلـب وافـي ولا ذيـب ٍ أراع
ناكر المعروف مهفـي الجمـالات الوضيـع
مدّله روحك يقفّـي بهـا والطيـب ضـاع


دوم مميز يا ماجد


صح لسااااااانك
طويللللللللللللللللله

صعوووووب

[الطائر المهاجر]

حجــــــــز وانتظــــار

[منيع]

كل الروعه والابداع
تحياتي لكم

[حي الضمير]

صح لساااااااااااانك يامسخر القاف
قصيده جزلة وفريده من شاعر متجدد الابداع
سلمت يمناك

[نفحات حساسة]

الله الله

صح السانك ولاهنت على هالدرر

عودتنا بألقاءك,,فلا حرمناه.,يعطيك الف عافيه

وسلم فكرك.. ودام نبض قلبك..

تحيتي لك..

[عبدالله مذكر العقيلي]

صح لسانك

والله لايهينك


تحياتي

[منصور العبدالله]

صح لسانك ياجزل

وسلم قكرك ياقرم

تكتب لنستمتع بقوه الشعر وجزالته