يــقــطـع وجـيـهٍ مـاتـحـشــم لحــاها

[الطامي]

عقب البنـادق ثـورت فـي خـبـاهـا=ياشـاربـي مالـك عـليـهـم مـشـاريـه
يــقــطـع وجـيـهٍ مـاتـحـشــم لحــاها=ويقطعك لحيه ما استحت وسطه وجيه
لو ان كـل النـاس تعـرف خطاهـا=ماصار بين الخلـق لـوم ومشاريه
لكـن نـاسٍ غـارقـه فـي عمـاهـا=تظهر بوجه وعندها وجـه تخفيـه
عجـزت اعـدل ميلها وانحنـاها=مافادها شرهـه ولا فـاد توجـيه
تخطـي ودايـم فـي خطاها تباها=تاخذ حقوق وطالـب الحـق تجفيـه
باسـم التفاخـر ضيعـت مسـتـواهـا=والفرق واضح كان به فلـس وجنيـه
والطـيـبـه لـو مـن بـغـاهـا لقـاهـا=الطيب راح ولا بقـى مـن يجازيه
كـم مـن غـلامٍ هـامـها ما خـذاها=احفا سمار الجيـش واحفا سماريه
بـارت بـه الدنـيـا وبـيّـن جـفـاهـا=واصبح يلوم الوقـت ويلـوم شانيـه
يضحك به اللي قاصـرٍ عـن مداها=نفسه على ضعـف الروابـع تقديـه
ترا الصـدور اللـي بيبحـث خفاها=مثـل البيـار وكـل بـيـرٍ ومـافـيـه
قـدام تحفّـر ماعـرف طعـم مـاهـا=وعقب التعب ميـز هماجـه وحاليـه
والبحـر بـه دره وموجـه غطاها=ولا يقطن الوبـال فالقيـض شاطيـه
شربـه همـاج ودرتـه ما هواها=يتبع هوا نفسـه ولـو كـان تشقيـه
بقولها واللـي خـلـقـها حـمـاهـا=والفكـر صـادق ماتغيـر هقـاويـه
خـاو السبـاع ولا تقـرب حمـاها=وتحـط نفسـك فالخطـر والتهاتيه

الشاعر/ عبدالله العصيمي

[داعي الشوق]

صح لسان الشاعر العصيمي

قصيدة جزلة

و الف شكر لك علي النقل الجميل

[نفحات حساسة]

صح السان شاعرنا

ولاهنت منصور على اختيارك

[الطامي]

داعي
شكرا لمرورك
ولاهنت اخي

[الطامي]

مفحات
شكرا لمروركي
ولاهنتي اختي

[عبير الورد]

صح لسان شاعرها
وتسلم يمينك على النقل الراقي
يعطيك الف عافية

[حي الضمير]

شكرا لناقله وقلم كاتبه

[منيع]

ابيات رائعه
شكرا لكم
تحياتي

[عبدالرحمن الصباح]

صح السان الشاعر وسلمت يمينك نقل مميز ورائع

[الطامي]

عبير
شكرا لمروركي
ولاهنتي اختي