الغلا والفضول

[عبدالرحمن بن زهير]

السلام عليكم ورحمة الله وبركاته
ارجو ان تقبلوا مني هذا النص المتواضع الطويل قليلاً ولكم تحياتي

جيتك بدافع غلا ماهو بدافع فضول=ولا طلبتك بحاجه تعتذر دونها
شفي مادامك كريم ولي بقلبك قبول=تحطني وسط عينك واسكن بنونها
ماجيت ادور كلام و جيت ادور فعول=نفسي عليك استثارت كل مكنونها
ياخذني الشوق لديارك وارد معلول=واعاتب اسوارها واشكيك لركونها
واسرج خيولي غلا وارجع بليا خيول=وهموم بقعاء علّي اتطل بقرونها
ماعاد وسط الحشى لك بالمرابع سهول=الصدر ممحل وعاف البدو وشنونها
كله من اسباب صدك يالغزال الجفول=طاوعت غيري وقمت تصدق ظنونها
حدك على غيبتك نقض العهد والعذول=وارخصت نفسك بسوق اللي مايشرونها
والحين جيت وتدور للمفارق حلول=نسيت غلطاتك اللي صعب يحصونها
خلاص بينت ضعفك واعتراك الذبول=وانا احترم كلمتي واموت من دونها
قد قلت لك يوم ترجع لو زمانك يطول=وتلقاني احفظ عهود الود واصونها
والقصه اللي لها عامين واربع فصول=احرقتها لجل ماتنشر ويقرونها
ومابيك تشرح سبب ولا تحاول تقول=اخاف من زود كحلك تعمي عيونها
يكفيني انك رجعت وكل حاجز يزول=وانك عرفت الحقيقه قبل يخفونها
والحين جيتك غلا ماهو بدافع فضول=واعرف حدود المحبه واعرف فنونها
وان قامت الحرب من دونك تدق الطبول=كبلت فريسها واطلقت مجنونها
ولعيونك الدم لو يوصل لنصف الرجول=اعده اسهل من الغفوات لجفونها
لانك تملكت خفاقي بعرض"ن" وطول=واستسلم الفكر لاحكامك وقانونها
يامنبع الذوق والرقه وملح القبول=تغار منك البني اللي يصبوونها
في خدك النور واحجاجك مصب الذهول=لعقول ناس تشوف وتدرج عيونها
عليك سميت من عين الحسد والنضول=واحقاد سود القلوب الي يحقدونها
الله يخليك بعروقي تلف وتجول=واوامرك قد ماتامر يلبونها
في كل جسمي تلاقي لك محطة وصول=من وين ماجيت جياتك يحبونها
لكن خذ المختصر من خوف شرحي يطول=غلاك ماوصلته ليلى ومجنونها
والله واللي بعث للخلق طه رسول=انك توازي ذهب كسرى وقارونها

[حرف وشعر]

الشاعر الجميل عبدالرحمن بن زهير
ياخذنـي الشـوق لديـارك وارد معلـول
واعاتـب اسوارهـا واشكيـك لركونهـا
واسرج خيولي غلا وارجع بليـا خيـول
وهمـوم بقعـاء علّـي اتطـل بقرونهـا
ماعاد وسط الحشى لك بالمرابـع سهـول
الصدر ممحل وعـاف البـدو وشنونهـا

مبدع ايها الرائع
رائعه هذه الابيات

[الطائر المهاجر]

سلمت
وصح لسانك وقلبك
وطالما ان الدم ما ياصل إلا الرجول ... هانت
جزلة وطيبة
تحياتي

[مبروك بن ماضي]

اخوي المبدع :
الشاعر / عبدالرحمن بن زهير
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري

أخوك / بن ماضي

[عبدالرحمن بن زهير]

الغالي محمد بن عمران سررت بمرورك وصح الله بدنك

[عبدالرحمن بن زهير]

هههه ابوعبدالله اشوى ماكملت تعليقك لاهنت يالغالي وصح الله بدنك وعساك على القوه

[عبدالرحمن بن زهير]

الغالي مبروك بن ماضي هلا وغلا شرفتني بتواجدك هنا وصح الله بدنك ولاخلا ولا عدم..تحياتي

[الطامي]

عليك سميت من عين الحسـد والنضـول
واحقاد سـود القلـوب الـي يحقدونهـا
الله يخليـك بعروقـي تلـف وتـجـول
واوامــرك قــد ماتـامـر يلبونـهـا
في كل جسمي تلاقي لك محطة وصـول
مـن ويـن ماجيـت جياتـك يحبونهـا
لكن خذ المختصر من خوف شرحي يطول
غـلاك ماوصلتـه ليـلـى ومجنونـهـا
والله واللي بعـث للخلـق طـه رسـول
انك تـوازي ذهـب كسـرى وقارونهـا
،،،،،،،،،،،،،،،،،،،،،
بن زهير
صح الله السانك ملايين
رائعة بمعنى الكلمه
لافض فوك اخي
شكرا لك

[عبير الورد]

صح لسااااااااانك ملايين
سلمت وسلم منطوقك الجزل
ربي يعطيك العافية

[عبدالعزيز العمار]

عبدالرحمن بن زهير

صح لسانك على هالجزله ..

ومن طول الغيبات جاب الغنايم

قصيدة رائعه وكايفه

تحياتي وتقديري