لحظة يالمهاااجر

[محمد بن عمار]

السلام عليكم ،،،
هلا وغلا أبو عبدالله
ترى من زمان ماتمشّينا
على البلاج سوى ...!
تفضّل يالطاير على الطاير .

وصل حدّي منتهاه

قال بن عمار من هرج ٍ ثناه = يبدع المنظوم من قلب ٍ صويب
من كلام ٍ المهاااجر قد حكاه = هاض مكنوني وأنا جرحي عطيب
أبدي بإسم الله وأرجيه برجاه = من رجا المعبود عمره مايخيب
حامل ٍ الطير ، في واسع فضاه = وسامع ٍ النمل ، مشيه والدبيب
من شكا حاله ، على ربه شكاه = قابل الدعوات ، من عبده قريب
صرت مثل الذيب في رجم ٍ رقاه = أسحب الوناّت مالي من مجيب
عشت حب ٍماذكر في هالحياة = وإثر مالي في الهوى حظ ونصيب
الهوى ، من عقبها ، ماله طراه = والحياة ، اللي بلاها ، ماتطيب
حبها في القلب مدري عن مداه = من سببها شبت أنا قبل المشيب
زولها يطري عليّ وسط الصلاة = وصوتها عن مسمعي عيّا يغيب
وآعذاب اللي هواها ، قد رماه = عايش ٍ من بين ربعه كالغريب
نورها اللي مثل بدر ٍفي دجاه = أو كما برق ٍ من أطراف الشعيب
يجهر اللي مستخيل ٍ من ضياه = من نظرها قال ذا شيء ٍ رهيب
بلحظها اللي وصل حدّي منتهاه = سهمه القتّال من نظرة يصيب
والشعر منثور ،، زاهي في بهاه = إيتهلهل ، سابح ٍ مثل السبيب
لوأعددّ ،، ما حوى جسم الفتاة = ماهقيت ،، إن القوافي تستجيب
بأكتفي باللي ذكرته من صفاه = خايف ٍ هرج العواذل في الحبيب
مايطيب الجرح من شيء ٍ دهاه = وما يداويني ، علاج ولا طبيب
غيرمنهي ،، غاية القلب ومناه = الدواء بإسلوبها ، شيء ٍ عجيب
تسعف ، القلب المولع من غثاه = من هواها صاير ٍحالي صعيب
ويستريح القلب من زايد عناه = ويستريح البال من فكر ٍ عصيب
وآتهنّى بشوف معسول الشفاه = وأشكر اللي خالق الكون الرحيب

تحياتي وتقديري لشخصك الكريم
محمد بن عمار

[الطائر المهاجر]

شكرا لإبداعك
لاهنت
تحياتي
لي عوده

[محمد بن عمار]

هلا وغلا بالمهاااجر بإنتظار العودة الميمونة ،

[كظيم]

محمد بن عمار
صح لسانك وقلبك وبيض الله وجهك
جزله من راس جزل
تقهويت القصيد في هذي الصفحه
تقبل اعجابي ومروري المتواضع
ودي وتقديري

[حرف وشعر]

بن عمار الحقيقه انت شاعر احبه جدا


(بدون مبالغه) لكلماتك اثر السحر في النفوس

وصدق من قال ان لمن البيان لسحرا


تقبل الورد قبل الورد

[الطائر المهاجر]

قيس ليلى في ظلام الليل تاه= قلبه الدكان او مثل القليب
من ختل له امسكه ثمن رماه= وقال يا حبي تراني لك حبيب
حصني ماكر وانا ادري عن دهاه= كم غزالٍ غرها بدمع ونحيب
الرجل لامن كبر زاد ببلاه = وجره الشيطان وارخى للسبيب
لو يصلي يطلب من الله رضاه= وسورتينٍ في الفجر تطفي اللهيب
يطلب الجنه ويبعد عن غواه = ويترك الشيطان في دربه يخيب

[داعي الشوق]

صح لساااااااااانك مليوووووووون يا بو عبدالعزيز

ابداع رائع

و الله يكون بعونك يالشاعر

و الطائر ما راح يقصر ،

وصح لسااانك مدد

ولاهنت

*********

[الراقي]

صح لسانك

حروف ذات وهجٍ

ونبض تدفق بكل سلاسة


دمتـ بكل خير ...

[الطامي]

م بن عمار
صح السانك
رائعة كروعة قائله
شكرال ك

[عبدالإله]

يعينك الله على الغثاء يا محمد

و صح قلبك و السانك

ولاعدمناك بالجزل

@@@@@@@@@@@