علّميهم يا قوافي الشعر معنى "الملهمه"

[الطائر المهاجر]

علّميهم يا قوافي الشعر معنى "الملهمه" = وكيف تامرني وتكتب ما تبي غصبٍ عليّه
يوم شافت ما تريبه من زمان العولمه = بيّحت شئٍ احسه سبّب جروحٍ نديّه
وارسلت اقسى رساله لكل نفسٍ مسلمه = اللي يحدث يالخليجي مغضبٍ رب البريّه
في خليج الخير جاكم كل عهر الأقلمه = وصارت ديار الأصاله مرتع علومٍ رديّه
كل ساقط في دياره جا يلاحق درهمه = من خبيث البيع يتجر بين صبحٍ أو عشيّه
مستغلٍ من يدوّر شهوته في الرمرمه = دون رادع او ضميرٍ دايمٍ نفسه دنيّه
بين غلمان وجواري وكاس غيّب انجمه = ما حسب للعار لحظه ولا تفكّر في المنيّه
يوم رب البيت انعم بعد جوعٍ وعتمه = واجبٍ شكره وحمده لا التمادي في الخطيّه
لا تقولون السياحه للحضاره ملهمه = اي معنى للسياحه في بلد ما فيه مَيّه
كل شي تستوردون من الخبز حتى لْحمه= وكل بيت فيه سايق او فتاة اجنبيه
ولا تقولون الفنادق كثرها للمزحمه = صارت اكثر من بيوت الناس مِيّه فوق مِيّه
للعهر بنيت وحميت بكل بومٍ ورخمه= والأجانب مستفيده تنزف لدم الرعيّه
ولا تقولوا عن قناوات العهر والجلغمه= دام تنشر للرذيله وش تبوا فيها موليّه
كل طفره لو تطوّل هيلمه في هيلمه = سرع ما تطفي وتغرب مثل شمس المغربيّه
ما حصل للغير حاصل درس لازم نفهمه= ومن كفر بانعام ربّه ينتظر يوم الرزيّه

[خيالة الشعر]

يادافع البلا
قصيدة تحاكي الواقع بكل حذافيره
صح لسانك مدد بلا عدد
لاعدمناك

[منيع]

اجدت واصبت وابدعت
ربي يصلح جميع احوال المسلمين لما فيه الخيروالرفعة
تحياتي لكم

[عبدالعزيز العمار]

صح لسانك يالطائر

وافيه وجزله ومانقول الا الله يرحم الحال

صدقت باللي قلته ودائماً تحاكي الواقع اللي نعيشه

أصبت وأبدعت ولاهنت

تحياتي لك

[داعي الشوق]

صح لسانك مليون يا بو عبدالله

قصيدة جزلة و المعنى جزل

ابدعت ولاهنت

و صح لسانك

**************

[فارس القوافي]

ياهلا بالعود

صح لسانك

لاهنت

يعطيك العافية

دمت بخير

[نجم الإبداع]

صح لسانك يابو عبدالله

مصافحه تحكي عن واقع اليم

لاهنت

تقبل مروري

وتقديري

[كظيم]

الطائر المهـاجر
ياعيني ياعيني
قصيده تحاكي حال وواقع هذا الخليج
ابدعت في هالجزلـه
صح لسانك وفكرك
تقبلني وتقبل مروري المتواضع لاهنت
ودي وتقديري

[عبدالمحسن الرحمه]

أبدعت يامديرنا الغالي صح السانك
وعلا شانك ودي لشخصك

[زهرة اللوتس]

جزل ومبدع
لاهنت
يعطيك العافيه
تحية طيبه