مشاريه وعتاب.،.،.،.،.،.

[عبدالعزيز العمار]

السلام عليكم

مساكم وصباحكم كله خير

يقولون كلن يغني على ليلاه وبطريقته الخاصه...!

وانا غنيت على ليلاي وبطريقتي الخاصه..وأقول

.

.

.

.

جددي حزني إذا طال الغياب=واستبيحي الجرح مع طول المغيب
عذبي قلبي وزيديني عذاب=واتركيني في صحاري الهجر اغيب
كني الظامي أطارد لي سراب=كلّ ما قرّبت له أسرع يغيب
فرحتي غابت وطافت كالسحاب=والحزن حاضر وقلبي يستجيب
ماهتنيت الزاد وانواع الشراب=ساهرن ليل العنا كني صويب
اسألي قلبي وتلقين الجواب=واسألي شوق المتيم لك يجيب
عن معاناتي ابرسل لك كتاب=واقري المكتوب في شرح الحبيب
ليه ياعمري تخليني مصاب؟=ماهقيت اني معك مثل الغريب !
عندي لهجرك مشاريه وعتاب=ياقسى قلبك هجيرك لي عجيب
فكري الحاير تغشاه الضباب=ارحميني ليت روحك تستجيب
كم على شانك تعليت الصعاب=واعتبرت الصعب في وصلك قريب
عقلي اللي عقبكم فاقد صواب=وانتي اللي له دوا وانتي الطبيب
ارفقي في حالتي صارت عذاب=لا تخلين الجفا ياخذ نصيب
ادفني ذاك الزعل واطوي الغياب=واشرقي شمس ٍ في عيني ماتغيب

عبدالعزيز بن سعد العمار

1432هـ

[منيع]

كل الروعة والابداع
ودي وتقديري

[سمّار]

صح لسانك وكلك
ابداع ومنتهى الروعه
استمتعت بالمرور من هنا وارتويت شعرا
لاهنت ولا هان حرفك

[داعي الشوق]

الله الله يا بو نايف

غنيتها واطربتنا يالشاعر

صح لسانك كثر ابداعك

يا مبدع

ولاهنت مع التقدير لك

[الطائر المهاجر]

بوح رائع من شاعر رائع
لاهنت ولاهان مغليك
صح لسانك مليون
تحياتي

[روح الشعر]

صح لسانك واعتلى شانك

لا هان فكرك


تحياتي

[الخنساء]

صح لسانك مليوووون ولايكفوووون

قصيدة جزلة من شاعر متمكن

سلمت ودام حرفك

[سناعيس]

صح لسانك ياعبدالعزيز
ولله درك
دائما جزل
لاهنت

تحياتي

[جهاد الشعلان]

الله الله

دائماً مبدع ومتألق

هنا عد لمن اراد ان يرتوي شعراً

صح لسانك يابن عمار

تقبل مروري

[عبدالله الشويمان]

صح السانك يا اخ عبدالعزيز

قصيده رائعه وجزله مبنى ومعنى يا الجزل

دمت بخير وصحه وسلامه