رثاء سمو الامير سلطان

[رياض الحنيطي]

رثاء سلطان
قالوا رحل والعلم جاني باعلان
من صدمتي كذّبت انا قـــول راوي

حتــى لفا عن صادق العلم برهان
يطعن بقلبي مثل رمحــــن قناوي

من لاهب الحسره غدا الدمع هتان
دمع الصدوق اللي ابد مـــا يراوي

القلب مضغه والخبر فـوق الامكان
والصــدمه اكبر من سواة المداوي

غطى عيوني عابس الدمع يا فلان
الكون في عين الحزيــن امتساوي

لجأت للقرطاس احفر به احــــــزان
ويفز شعــــــري من نحور البلاوي

لكن قصيدي مثـــــل حالي بنيران
شمله شتات اخشى يرد العزاوي

ماهو جـــــزع من قدرة الله انا الآن
ما ظل من عـــروات صبري عراوي

لكنّ بي لوعه على عالي الــشان
وانــــا على شوفة سموه شفاوي

سلطان راح وقـــــدّر الله ما كـــــان
لا ماتــــــــــردّه معضلات الدعاوي

سهم القدر صايب ولا يرده انسان
بامرالعظيم اللي على الكون قاوي

مابيدنا لامر الــــــولي غير الاذعان
والصبر حيــــــلة قلب طاويه طاوي

عزاي بو خالد بـــــذكرك والاحسان
غمرت شعبـــك في كثير العطاوي

او دعوة المظيــــوم اللي وفا وصان
وبصدق دعـــــوة لابسات الغطاوي

ياربي الــقـــادر لتـــبـديـــل الاكوان
يا سامع الدعوه تجيــــــب الرجاوي

اسكنْه بيـن الحور في حوض عدنان
خلي على تــــرابه من الغيث راوي

واعطهْ شفاعة فارضن خمس الاركان
من جنّتك واعطيـــــه كل المنــاوي

يا ناس لا بالله ما راح سلطـــــــــان
باقي بفعله مثل نجــــمن سماوي

كانت يدهْ للخير والبـــــــــذل عنوان
ياما بدرب الطيــــــب حثّ الخطاوي

للمملكه مـــــزنة عطا وريف جيران
خيره تعدّى حيل كل الهقــــــــاوي

ملاك رحمه كان وبصــــــورة انسان
قلبه على المسكين يـــرأف وياوي

مدّات كفّــــه حظّها قام وتـــــــبان
شرات بدرن في دجا الليل ضــاوي


رياض سالم شباط الحنيطي
المملكة الاردنية الهاشمية
عمان _ أبو علندا

[الطائر المهاجر]

رحم الله الأمير سلطان
وشكراً لك اخي رياض
بالنسبة لقصيدتك الثانية
والتي وضعت لها رابط الفيس بوك
فقد تم حذفها
ارجو مراجعة هذين الموضوعين لتتعرف علينا ولنتعرف عليك ولتتعرف على التعليمات
http://www.fatahilah.com/showthread.php?t=140
http://www.fatahilah.com/showthread.php?t=1969
تحياتي

[داعي الشوق]

صح لسانك رياض

و الله يرحم سلطان و اموات المسلمين

و حياك الله في ضيافة الفطاحله

و نورت المكان و صح لسانك مدد

ولاهنت

[الطامي]

رياض
صح السانك ملايين
والله يرحم سلطان الخير ويدخله الجنه
رائعة في من يستحقها
لاهنت اخي

[منيع]

رائعة ومؤثرة
ورحم الله الامير سلطان وجميع موتى المسلمين والمسلمات
شكرا لك
تحياتي

[الـزلـزال]

رياض الحنيطي

مرثية رائعه وجميله
من شاعر متميز ورائع في ماقدمه لنا
أبدعت وأمتعت شاعرنا
رحم الله سلطان الخير وأسكنه فسيح جناته
صح لسانك ملايين ملايين
ولك فائق تحياتي وتقديري

[الراقي]

صح لسانك وعلاء شانك

لاهنت ولاهان قولك

رحم الله سلطان و اموات المسلمين

[حي الضمير]

رثاء مؤثر فيمن يستحق
وابدعت شاعرنا ومدد صح لسااانك
نسأل الله المغفره والرحمه لابوخالد واموات المسلمين

[عاشقة السحاب]

صح لسانك جزله ووافيه

[بنت النور]

صح لسانك
ورحم الله الامير سلطان

وجميع موتى المسلمين والمسلمات
تحياتي