كعبة المضيوم لليوم الوطني لبلادي قطر2012

[الطامي]

يـابـنـات الـفـكـر هــبــي واسـتـعــدي لــلأشــاره=صـخـري مــن زيــن الامـثـال والـقـول السـديـد
ذا نـهـار فـيـه نـفــرح مخـتـصـر كـــل الـعـبـاره=يوم ذكـرى للمؤسـس حـن نحسبـه يـوم عيـد
يرحم الله جاسم اللي قادها واعطـى الـبشـاره=وقـال "داري كعبـة المضيـوم" بالـوقـت الشـديـد
واحتماهـا بالسيـوف مـن العديـد الـى الزبـاره=فـــي نــهــار ولــيــل تـشـيــب الـطـفــل الـولـيــد
ووحـد صفـوف القبايـل بالبلـد بـدو وحضـاره=وانتهـج نـهـج النـبـوه وكــل شــور لــه سـديـد
وراح منها وهي كما البنت الغنوج المستثاره=وجــات عـبـدالله فحلـهـا ماتـركـهـا لـكــل ايـــد
ومن فضل ربي بوقتـه قادهـا بعقـل وشطـاره=وخيـرهـا تـحـت البسيـطـه اظـهـره كـنـه بـريــد
واستمرت ليـن وصلـت لبـو مشعـل ياحضـاره=واعتلاهـا فـارس العليـا راعـي الـراي الحمـيـد
ثــم ظـهـر كـنـه اليمـانـي لاتبـيـن فــي مـــداره=شوفتـه تفـرح ولـو هــو نـجـم ونشـوفـه بعـيـد
السعـد فـي طيـر شلـوى فـي علـوه وانـحـداره=جعـل ربـي يحفـظـه مــن كــل شيـطـان مـريـد
رتـفــع بـبـلادنـا فـــوق الـثـريــا مـــن جــداره=لـيـن صـــارت درة نـفـخـر بـهــا عـمــر مـديــد
فـوق هـام السحـب يرقـى بالـبلـد هـذا شــعـاره=واصبـحـت معـروفـة للـغـرب والـشـرق العنـيـد
وجـدد اقـوال المؤسـس بالفعـل والعـلـم شــاره=دارنا هي كعبـة المضيـوم مـن خصـم ضديـد
وله يميـن تضـرب القاسـي وتـقسـم لـه فقـاره=دامـهـا فــي حــق ماتثـنـى وذا الـعـلـم الاكـيــد
والكريـم الله كـريـم يمـيـن وشعـبـه لــه وقــاره=ويتفـقـد حـاجـة المحـتـاج ثـــم يـعـطـي مـزيــد
وياتميم الخير وبـك الخيـر وايضـا بـك نـداره=يـاولــي الـعـهـد يـامـقــدام يـالـسـيـف الـحـديــد
مزبن اهل الدار ثم الـجار فـي وقـت القشـاره=الشبـل مـن الاسـد والمـدح فــي مثـلـه حمـيـد
بنعمـة وامان جـعـل الضـد في صـدره دماره=امـن فيهـا الجمـيـع تعـيـش فــي خـيـر رغـيـد
وحـن جنـود للـوطـن لاجــا نـهـار فـيـه غــاره=الـعــدو نثـنـيـه ونـسـويــه كـالـحــب الـحـصـيـد
مـن بنـي مــره ويــام اهـل الـمروه والـنعـاره=والقبـايـل مانهثمـهـا من قريب او بعيد

[الطائر المهاجر]

صح لسانك
طيبه من راس طيب
ولكن كلمة "كعبه" لاتطلق على على كعبة الحرم
ولو قيل وجهة او قبلة لكان افضل
لاهنت
تحياتي

[الطامي]

صح بدنك
والقصد التشبيه وهي كلمة للمؤسس رحمه الله من قصيدة طويلة له قالها في حياته رحمه الله
ونحن اقبسناها منه وقد اقتبسها الامير المفدى في افتتاح مجلس الشورى لهذا العام 2012م
شكرا لمرورك وملاحظتك الطيبه
لاهنت

[الطائر المهاجر]

خلاص حطيتها بين علامتي تنصيص
للدلالة على انها نص مقتبس
شكرا لك

[مشعل التريباني]

الطامي صح لسانك
قصيده رائعه صراحه
شكرالك اخي الفاضل دمت متالق

[نجم الإبداع]

ونعم فيكم يابو محمد

وصح لسانك

تقديري

[ساهر الليل]

صح لسانك وفكرك

قصيده رائعه وجميله

لاهنت يا شاعرنا,,,,

تحياتي

[منيع]

ابيات اكثر من رائعة
تحياتي لكم

[حرف وشعر]

بنعمة وامان جعل الضد في صـدره دمـاره امن فيها الجميع تعيش فـي خيـر رغيـد
وحن جنود للوطن لاجا نهـار فيـه غـاره العدو نثنيـه ونسويـه كالحـب الحصيـد
من بني مره ويام اهـل المـروه والنعـاره والقبايل مانهثمهـا مـن قريـب او بعيـد

امين يالطامى امين ولاهنت

[داعي الشوق]

كل عام و قطر بخير و اوطان المسلمين

و صح لسانك يا بو محمد

و انا مع ما تفضل به الطاير المهاجر و أشار اليه ..

و لاهنت