الا ياطارد الدنيا ولا تدري بك المطرود

[الطائر المهاجر]

الا ياطارد الدنيا ولا تدري بك المطرود= تمهل فانت ما تقدر بآمالك تجاريها
تبي عز وتبي جاهٍ ونجمك دايم بصعود= وتلعب بك خوينه وين ماتتبع خطاويها
فقبلك غرت رجالٍ ثقاتٍ بالملا وعدود= تلاقوا تحت اديم ارضٍ مشوا يومٍ بعاليها
ترى دنياك جسر تعبره للآخره ممدود= فلا تتركه يهوي بك لنار يوم تصليها
ولو تجمع كنوز الأرض يومٍ بالثرى ممهود=فلا تخدعك ضحكتها اذا زانت مواريها
فحكّم عقلك الواعي قبل ما تصبح المصيود= وخذ من دنيتك للاخره تكسب تواليها
عليك حقوق لا تجهل لربٍ واحدٍ معبود= معك من وين ما تمشي ونفسك عالمٍ فيها
فراقب كل خطواتك ترى حولك الوف شهود= من لسانك الى شعرك واسرارٍ تخبيها
ترى الدين النصيحه انتبه لاتجهل المقصود= لمن شفته مشى بدروب تاخذه بمهاويها
حذاري من يبيع الدين لو قالوا بعلمه زود= تشوفه كل يومٍ في قناة الخلق يفتيها
ومن حطوه ببنوكٍ يحلل مايبوا بركود= ومن يفتي لاجل ياصل وظيفه دوم يرجيها
ومن يخدم عدو الدين من مستعمرٍ ويهود= يشعلل كل يوم لفتنة محدٍ يطفيها
يخلي مسلمٍ يقتل لمسلم عن حماه يذود= باسم ثورات مرسومه وصهيونٍ يواليها
الين اليوم اصبحنا شتات وما بنا من فود= مابين القتل والتشريد ماندري بخافيها
بسبة من يبيع الدين جمّع للعدو جنود= على كيفه يمشيهم ويهدم في مبانيها

[منيع]

اجدت واصبت كبد الحقيقة
تسلم يادكتور
تحياتي لكم

[ساهر الليل]

الله اكبر

نص رائع من شاعر بارع

صج لسانك وقلبك

ولاهنت يادكتور

[داعي الشوق]

المشاركة الأصلية كتبت بواسطة الطائر المهاجر

الين اليوم اصبحنا شتات وما بنا من فود= مابين القتل والتشريد ماندري بخافيها
بسبة من يبيع الدين جمّع للعدو جنود= على كيفه يمشيهم ويهدم في مبانيها

صح لسانك و فكرك يا بو عبدالله

و طاب حالك و فالك

ابداع و طرح رائع لمشكله يعاني منها المجتمع

ولاهنت و صح لسانك

[عبدالله السويلم]

صح لسانك يادكتور

جزله وهادفه

لافض فوك

تحياتي لك

[الطائر المهاجر]

شكرا منيع
على كريم المتابعه
لاهنت
تحياتي

[الطامي]

تـــرى دنـيــاك جـســر تـعـبـره لـلآخــره مــمــدود

فــلا تتـركـه يـهـوي بــك لـنــار يـــوم تصلـيـهـا

ولو تجمع كنوز الأرض يومٍ بالثـرى ممهـود

فـــلا تـخـدعـك ضحكـتـهـا اذا زانـــت مـواريـهـا

صح السانك دكتور
ابدعت وصدقت لافض فوك
شكرا لك

[حي الضمير]

ترى الدين النصيحه انتبه لاتجهل المقصودلمـن شفتـه مشـى بـدروب تـاخـذه بمهاويـهـا

ياسلام ابدعت ياشاعر الحكمه
وعوايدك ياعلم
لافض فوك

[عناد الرواد]

كلام يملا الراس

واقع مشهود

ومنطقي مدخال ومطلاع

دكتور لا هنت على هالذرابه ويا زين القصيد لا جا من هل القصيد

[نجم الإبداع]

صح لسانك يادكتور والله يكفينا واياك من شر الدنيا