تمطر سماك بوابل الفكر واذكر ,,‘ن المداد

[محمد عبدالله البدراني]

اسعد الله كل اوقاتكم


خواطر شعر >> مع التحية وأجزل الشكر ::

تمطر سماك بوابل الفكر واذكر = إن المداد احيان يحتاج لإنسان
رغم اني من الناس والبيت دفتر = اعيش معه وفيه وارهق للأجفان
ارقب سنا نورٍ مع الصبح يظهر = صبح ايبدل واقع ايامنا الآن
فيه ايتجلى الفكر والعمر يزهر = يا من سقيت الورد من دمع الأعيان
جفت عروق القلب والحزن مخضّر =ولولا الجلد والعزم بانت له اغصان
والعمر رحله والمحطات منكر = مهما نقول الا محطات الإيمان
وامالنا فسحه والأطياف معبر= والصبر مر .. ولذة العمر الإحسان
ياللي حضورك نور وافكارك الدر = حلق بفكرك من ورى غر الأمزان
طيف النديم الواعي الحر الاشقر = فكري يحلق به معه وين ماكان
اخذ معه بالفكر واعطيه واشكر = للواحد المعبود واصوغ الأوزان
صوغ الذهب والماس شكل وجوهر= ياما تباهت به من الغيد غزلان
وياما تقدم به شجاع ٍ مظفر = وشاشة به جيوش ثنت دون الاوطان
واليوم كثر الشعر والكل يشعر =ولاهاض فكري غير درٍ ومرجان
درٍ بغبات البحر فلق مبحر = وانا قديم الغوص يا فالق الدان
لك حق يوم تموق وتشوق واذكر = اني صويب الخرس والسد مابان
واليا سلمت من الخطر طحت باأخطر = يامن عبث بالفكر بدعه والاتقان

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[داعي الشوق]

هلا يا بو عبدالله و الحمدلله على السلامه

وعساك بخير ..

وصح لسانك و طاب حالك

وش هاصباح الزين ..

جزله و دره و ثمينه ولاهنت

[الطامي]

ارحب يالبدراني
صح السانك ملايين
قلت فابدعت وأجزلت فيها لافض فوك
شكرا لك

[منيع]

كل الروعه والابداع
تحياتي لكم

[عبدالله السويلم]

صح لسانك ياليبدراني

ابداع x ابداع

تحياتي لك

[الراقي]

امتعتنا بهذه الرائعه
صح السانك الوف

دمت بمودة

[محمد عبدالله البدراني]

اجزل الشكر والثناء لمروركم الكريم


ولي عودة اليكم فرداً فردا



تحيتي وتقديري

[بنت النور]

كتبت فأبدعت واجزلت
صح لسانك وعتلى شانك
ولا هنت
تحياتي وتقديري

[طوفـــان]

صح لسانك شاعرنا المتمكن أبو عبدالله على طرحك القوي ..

تحياتي وتقديري لك ولبوحك الراقي ..

لاهنت ولاتحرمنا اطروحاتك الجميلة .