منيع والطائر المهاجر من الشات

[منيع]

ورد يباع ورد في صدور الاصحاب=ولا فاح ورد الطيب يامرحبا به *** منيع
كلام شاعر في قوافيه نصاب=يضحك علينا بالمزح والدعابه *** الطائر المهاجر
جاك الجواب ولاني ياصاح كذاب=الزيف والتلفيق سكرت بابه *** منيع
جواب فاتن للعذارى ولعاب= كم من غريره صدتها بالكتابه *** الطائر المهاجر
تعرف خويك صادق ماهومرتاب=والخوي يأخذ من خويه النجابه *** منيع
تظهر لطوعك تلبس المكر بثياب=وبالسر تلعب مثل لعب الكعابه *** الطائر المهاجر
مثل الحصيني يخفي الذيل وانياب=ويفرس دجاج القوم محد درى به*** الطائر المهاجر
اسرفت في نقدي ولاني بنعاب=خوينا نعتب عليه بذرابه *** منيع
معروف بالبصمه بتويتر وواتس اب=وكل درى بك واحد من عصابه الطائر المهاجر
الشجرة اللي تحتها يسكن الداب=ماعاد لي فيها طمع اورحابه *** منيع
تحتاج لك تطهير عن كل ماعاب= وتحج الى بومبي وتلقى الطرابه *** الطائر المهاجر
الحج عندي وصل تلعات الارقاب=ان كان تبقها طرب اونشابه *** منيع
تقرا عليهن سورة اقرا والاحزاب=حتى تخدرهن برفع السبابه *** الطائر المهاجر
اقراءعليهن من اشعارك يازرياب=شيطان شعرك مايجيب الكأابه *** منيع
لا تقلب الصفحه وتبعد للاطناب=خلك بشعرك يالملوح جنابه *** الطائر المهاجر
صدقني شيطانك له أحوال وأسباب=جرب على نفسك وتلقى الاجابه *** منيع
شعري هموم الام من ضيم الاجناب= وشعرك يثير اللي يدور جنابه *** الطائر المهاجر
شعري معاناه وتحليل وعتاب= يوم ان شعرك ماله الاالربابه *** منيع
وشعرك يثير اللي بها القلب مرتاب= تاكله طعم مثل فول القلابه *** الطائر المهاجر
تسلم سلمت والمزح مابين الاحباب=يعطي ثقة للنفس ويعطي صلابه *** منيع

[الطامي]

صح السنتكم جميع
ولاهنتو

[داعي الشوق]

الله الله .

صح لسانكم يا فطاحله

[ماجد المهدي]

الله صح لسانك يالطائر المهاجر
وصح لسانك يا منيع السنافي

لا هنتم

[ملكة الشرق]

محاوره رائعه
صحت السن الجميع
تنيناتكم ابدعتم
لو يتعدل التنسيق بكون افضل

[عبدالله السويلم]

صحت الالسن
محاوره رائعه

تحياتي للجميع