كلما جيت احط الراس فوق الوساده

[الطائر المهاجر]

كلما جيت احط الراس فوق الوساده= هاجمتني همومي ماتبيني انام
جيشها اللي مسلح معه احدث عتاده= اعلن الحرب يرفض دعوة للسلام
بين هم العيال وبين وضع وفساده= وهم امه تقاتل بعضها بانتقام
بين شيعي وسني فاقدين الاراده= برمجتهم عقولِ ترغب الانقسام
تخدم اللي معادي جاهله وش مراده= تصفية كل مسلم بالفتن بالدوام
شان تمتد اسرائيل تفرض سياده= من البحر للبحر من دون ضد وخصام
مع اميركا يصيروا ماسكين القياده= ومن عصاهم يدمر قبل ياصل مرام
وكل من كان يخدمهم يعلو مزاده = مثل فارس وحشد وداعش بالتمام
لين ينهي المهمه عن جهل او بلاده= تحرق اوراق مثله من جموع اللئام
المصالح هدفهم بالزرع او حصاده= اخطبوطٍ يلف الكون خلف اللثام
ومن يفكر بعقلٍ واضح في حياده= يدري انا ندحدر مايفيد الكلام
من فساد بفساد كل يومٍ بزياده = والخلايق تعاني ما لقت افتهام
من رسوم وضرايب والغلا باشتداده= والبطاله تنادي من بيده الزمام
فالا جانب عثوا بالأرض في كل جاده=حتى صار المواطن نادر بالزحام
كل خير يصدر بالعمد والعماده= ومحد يمنع حرامي لاعب بالنظام
دام مات الضميراليوم نعلن حداده= ونسأل الله يوقظ امة بالظلام

[الطامي]

مصافحه اولى
صح السانك ملايين
رائعة وهادفه لافض فوك دكتور
شكرا لك

[داعي الشوق]

الله يوقظ الامه .. اللهم امين ،
صح لسانك و طاب حالك يا دكتور

جزله و شاعرها جزل

ابدعت و عوايدك

وصح لسانك مدد ولاهنت

[ملكة الشرق]

بين هم العيال وبين وضـع وفسـاده...وهـم امـه تقاتـل بعضهـا بانتـقـام
بين شيعي وسنـي فاقديـن الاراده...برمجتهـم عقـولِ ترغـب الانقـسـام


ياسلام
ياسلااام عليك يادكتور
روووووعه
وربي روعه
جبت المفيد من القول
صح صح لسانك مليون
عدهم صح كلك ولا يكفون
ابدعت وامتعت يا استاذي
استمتعت جدا بقرائتها
يعطيك الف عافيه

احترامي

[منيع]

جزل ومبدع
كل الشكر لكم
تحياتي

[عبدالله الشويمان]

صح لسانك واعتلا شانك يا أبو عبدالله

قصيده جزله كعادتك

لا هنت لاهنت

[نجم الإبداع]

طيب طيب

صح لسانك يبو عبدالله

ابداع متجدد

ماشاء الله

[بنت النور]

اتفنت وابدعت
وصح لسانك مليون مايكفون
لاهنت
تقديرلسموك

[خالد محمود الفردي]

صح لسانك وطاب بوحك دكتور عثمان ..
تقديري ..

[هترل]

صح لسانك واعتلا شانك وجاد بنانك
ابدعت وامتعت نص فاخر وواقعي الله المستعان
لاهنت ولا هان راسك مبدع كعادتك يالامير

تحياتي وتقديري