عسى الله يقبل صومنا بك والاذعاني

[نجم الإبداع]

هلا مرحيا ياشهر رمضان راس الحول = قدومك علينا خير ويزيد الايماني
مضى اربع ليالي منك وانا على المحمول=اهني الرفاقه في قدومك وجيراني
وذا الليل جاني هاجس الشعر لك مرسول=عسى الله يقبل صومنا بك والاذعاني
يغير قدومك كل ساير وحتى القول = يطيب الكلام ويرتقي الشأن الانساني
فسبحان من سواك في الدين فرض ونول=وبك ليلة القدر اللتي تجلي الاحزاني
الا يالله اشف اللي مراضى وسد العول =وبارك لنا في شهر الاحسان رمضاني
ويالله ترفع عن هل الشام هذا الغول = وباهل العراق الطف وصنعاء وبيحاني
تشضى العرب والحال من بعد حاله حول=ولو جيت بارسم حالهم ياتحداني
على مانرى ونشوف لو نكتب المرسول= ل قال اللذي بمقابلي جيب شي ثاني
وش اقول ويش اعيد ثاني عن المجهول=والاقدار بيد اللي ملك كل الاكواني
هو العالم اللي قدر الحال والمأمول = وهو من يدير الكون ويقول كن كاني
رضينا بحكمه ذو الجلاله وراعي الطول=عظيم ان تجلى للجبل دك دكاني

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[بنت النور]

صح لسانك
ولا هنت

[منيع]

مبدع ورائع
كل الشكر والتقدير لكم
تحياتي

[الطامي]

اللهم امين
وصح السانك بو محمد
لاهنت

[داعي الشوق]

صح لسانك ابو محمد

الله يتقبل صالح الاعمال ويحفظ بلادنا وبلاد المسلمين

جزل يانجم وقاف جزل صح لسانك ولاهنت

[روح الشعر]

صح لسانك

لا هنت