احوال الفطاحل في زمن الكرونا

[الطائر المهاجر]

فرصه لكل واحد ان يذكر افضل المواقف الطريفه التي مر بها في زمن الكرونا

يقول الطائر المهاجر غفر الله له ما تقدم من ذنبه وما تأخر:
اطالع كمرا المراقبة على الشارع حوالي العاشرة مساء واذا بسيارة فخمه من نوع مرسيدس توقف عند بابنا واذا بفتاة حسناء ترن الجرس وفي نفس الوقت تتصل بي على الجوال ، طبعا العيال رايحين ولا عندي احد منهم، رديت على الجوال واذا بصوت ناعم يسلم ورديت السلام قالت هذا بيت الطائر المهاجر قلت نعم قالت تسمح من وقتك شوي ، نزلت وفتحت الباب الا والله واذا بي امام غزال يندر مثله بالجمال والغنج والدلال ، قلت نعم اومري قالت مايصلح وحنا على الباب تسمح ادخل قلت تفضلي وانا قلبي يرجف مثل رجف المكينه دخلتها في المجلس وطلبت من الشغاله تجيب لها مويه واي شي تبيه بارد قهوه شاي قالت شكرا بس مويه ، قلت ممكن اعرف من وين جبتي رقمي وعنوان بيتي
قالت واحد من الفطاحله اعطاني اياه قلت اكيد راعي قصائد الحب والغزل ، ماعلينا
قدمت نفسها على انها معجبه وقرأت كل قصائد ديواني وجايه تسوي معي مقابله لصالح القناة اللي تعمل فيها واسمها قناة بين الكواليس ، المهم اشوف البنت تركت كرسيها وجت تجلس جنبي بس عرفت هالحين وش نيتها شافت لهاشاب وسيم
وقالت خل اوقعه في شباكي ، قلت لها شوفي عاد ما دام هذي البدايه ، اشربي المويه
وتوكلي على الله ، ردت : مالت عليك ومن يعجب فيك وصبخت بالباب وراحت

[منيع]

ههههههههههههه
ماظنتي ياعبيد تاكل بطاطا

[الطائر المهاجر]

من بكره بنفس الوقيت تجي السياره نفسها ، قلت بس هذي عين حميده رجعت
نزلت وافتح الباب واذا فيه قوة تدفع الباب لينفتح على مصراعيه ، واذا بي امام
عبدة يمكن وزنا 200 كيلو ومعها براطم تاقع عليها السحله وفناخر كنها قراش طياره
بيني وبينك خفت قلت نعم اومري وما صدقت خبر بالباب يفتح الا وتدفرني والاي طايح على الأرض
الا وهي تلقطني مثل العصفور في يدها وتطوح بي يمكن لعشرة امتار والاي رايح وطي آه ياصلوعي
آه ياظهري آه ياراسي وتجي وتدبغني الين عفت الأرض يوم جت تروح علم ربعك الفطاحله
اذا جاهم معجبة فيهم ما يكسفونها

[منيع]

هههههههههههههههههه
عسى الحجر مايطول بس العلوم ماتسر

[الطائر المهاجر]

من بكره وبنفس التوقيت وانا اطالع كمرا المراقبه التي تنقل الصورة والصوت واذا انا اشوف
واحد من الجيران شايب طالع يركض من بيتهم وما عليه إلا الكلسيون ووراه تركض حرمته الدبابه
السمرا واسمعها تقول تعال ياجبان تعال اوريك كلما قلت لك اطلع جب لنا مقاضي تقول فيه حظر
هالحين اوريك وش معنى الحظر وتطرد وراه وتكفخه وتشيله فوق كتفها كنه خروف وتدخل به لبيتهم

[الطامي]

مادري والله
😱😨
فيها نفضة جيب يادكتوررررر
😇🤯
استغفر الله العظيم
ربنا يسعدك
ولاهنت

[الطائر المهاجر]

لا لا يابو محمد
الفاضي يعمل قاضي
قلت اسولف في قسم وسع صدرك
وكنت اتوقع انكم ايضا تسولفون مثلي
لكن مادام هذي ردة فعلكم خلاص اوقف السواليف