رهيف القلب

[الطائر المهاجر]

رهيف القلب تخدعه العذارا = بحبٍ زائفٍ خلف الستارا
يتجوز من حديهن يحسب انه= صقر صياد يصطاد الحبارا
وهو المصيود ما يدري بحاله= الين العمر يمضي بانحدارا
تجيه اللي تدور للمصالح = تدور جاه وعيالٍ كثارا
وتدور مال تصبح به اميره= وعيالٍ يحملوا اسمه شعارا
عليهم يصرف اللي بادخاره= يتعشم فيهم الخير انتظارا
واذا من انتهت من فيلم ليلى= بدت تقلب وينكشف الدثارا
يشوف طبوعها دايم تغير = بوجه عابس طول النهارا
تبيه يصير بيديها خروفٍ= عمى ابكم ويمشي بالمسارا
ويجد عيلانها عيزه بيدها = وهو ما عاد له اي اعتبارا
زواج الحب في اغلبه خدعه=فحاذر من خدع بعض العذارا
ودور لك على بنتٍ اصيله = تخاف الله في سر وجهارا
تقدّر زوجها في طوع امره= وتنجب له من طيورٍ حرارا
يشيلونه اذا من بان ضعفه= واسمه شايلينه بافتخارا
ولا تغتر في اسم الحموله= ترانا بوقت اخلاطه كثارا
ودقق بالبحث من قبل تعزم= وتأكد بيتها عالي الجدارا
نظيفٍ ما خبر به ما يدنس = ذهب ماهوب مغشوش بصفارا

[الطامي]

زواج الحب فـي اغلبـه خدعـه=فحاذر من خدع بعض العـذارا
ودور لــك عـلـى بـنـتٍ اصيـلـه=تخـاف الله فـي ســر وجـهـارا
تقـدّر زوجهـا فـي طـوع امـره=وتنجـب لـه مـن طيـورٍ حــرارا
يشيلونـه اذا مـن بـان ضعفـه=واسـمـه شايلـيـنـه بافـتـخـارا

👏👏👏👏👍
صح السانك ملايين
اصبت عين الحقيقه
ولاهنت

[منيع]

جزل ورائع ومبدع
شكرا لك يادكتور
تحياتي لكم

[داعي الشوق]

الابداع يجدد معك ياعود
صح لسااانك وفكرك ياجززل

دمت ودام ابداعك وصح لسانك مدد

[الطائر المهاجر]

شكرا الطامي
على كريم المتابعه
لاهنت
تحياتي

[الطائر المهاجر]

شكرا منيع
على كريم المرور
لاهنت
تحياتي

[بنت النور]

صح لسانك وعتلى شانك
ابيات في قمة الروعه
لاهنت
تقديري واحترامي

[الطائر المهاجر]

شكرا داعي
على كريم المتابعه
لاهنت
تحياتي

[الطائر المهاجر]

شكرا بنت النور
على كريم المتابعه
لاهنتي
تحياتي