منيع والطائر اليوم1442/6/17

[منيع]

منيع
لاتفوت الفرصة ترى الوقت غدار=كم حاجة ضاعت على قول بعدين
حقق مطاليبك وخل عنك الاعذار=من عاش باالا وهام مايوفي الدين

الطائر المهاجر
واترك طموحٍ زايد دون مقدار=واقنع برزقك لاتفكر بملايين

منيع
المال زينة قالها رب الابرار=وان كان عندك مال غيرك مساكين

الطائر المهاجر
كم من غنيٍ يشتكي مر الامرار= وده بصحه لو دفع ملكه الزين


منيع
حول رصيدك لاتوسوس وتحتار=وزهدبدنيا مابها لك موالين

الطائر المهاجر
اسبق على التحويل لو نصف مليار=وانفع اخيّك طير ببلا جناحين

الطائر المهاجر
طير فقير ما ملك نصف دينار=مديون ما يلقى مساعد ولا معين


منيع
اشكر ربك لاتولول ياطرار=والله يزيدك خيرمن غير تخمين

الطائر المهاجر
مانيب مثلك بالملايين محتار=ازين تصدق للفقير المسيكين


الطائر المهاجر
واعرف ترى الثروه تقصر للاعمار=كم من غني بالمرض عدة سنين


منيع
لاتجحد النعمه ولاتكون عيار=عارفك ملياردير وطبعكم شين



الطائر المهاجر
لابد تتصدّق قيل يوم الاعصار=لاجاك عزرائيل شالك بالاذنين

منيع
لاجيب طاري المال صابك ابوصفار=بلاش منها حكمتك يابوجهين

الطائر المهاجر
لالا تهرب او تدور للاعذار=عارفك ثري متزوج فوق ثنتين

الطائر المهاجر
تعبر الى البحرين مخفي للاسرار=مستغفلٍ حرمتك ماتعرف الشين

منيع
حلله ربي وانت ماعندك اخبار=والجسر ماجيته من قبل ولاالحين

منيع
راضي بوحده ولادوجت بسفار=وراك تتقلب علينا بلونين

الطائر المهاجر
عندي خبرك وعارفٍ كل ما صار=وسرك ببير ما يطوله حقودين


منيع
مسيلمة خابرك لاتبدي اشوار= خبز يدي ماحنا بناس غشيمين

[الطائر المهاجر]

شكرا منيع على النقل

[داعي الشوق]

صحة السنتكم
ابداع ومعنى جزل

شكرا ابوحمد لاهتمامك ونقلك لها

[منيع]

الدكتور وداعي الشوق
شكرا لتواجدكم الراقي
تحياتي لكم

[الطامي]

ههههههههه
فتل ونقض رائع
صح السنتكم
ولاهنتو

[منيع]

المشاركة الأصلية كتبت بواسطة الطامي

ههههههههه
فتل ونقض رائع
صح السنتكم
ولاهنتو

بومحمد شكرا لحضورك
تحياتي لكم