اقرب ياماجد

[الطائر المهاجر]

سلام الله على ماجد بن مهدي وترحيبه = سلام ياصله بدري معه وردٍ من الجوري
انا ياصاحبي مثل اللذي ما يعرف صحيبه = الين انه يشوفه ناصح بالشغل كالكوري

[ماجد المهدي]

هلا يا طيرنا الغالي هلا بالقرم وعذيبه = سلامك واصلٍ عندي بريحل الفل معطوري
نشب في عاتقي ناشب يبي بيتن وانا انسيبه = ووده بالحلو لكن رخيص الفلس مطيوري

[الطائر المهاجر]

اظن البيت محتاج لتعديله وترتيبه = لنعرف من يبي يصمل ويرفع عالي السوري
ومنهو انشغل عنا فلا نحتاج تجريبه = فمن لايحتمل رفعه فلا ظنيت مجبوري

[ماجد المهدي]

لعلك لصبر حايز وهي فزعة وتطيبه = وانا لاقيت له بيتٍ وهو بالبيت مسروري
وكاني مرتبي اوراقي وجابر للذي عيبه = تجلى في فطاحلنا وليتك تقبل اعذوري

[الطائر المهاجر]

انا ما اقصدك يالغالي وكل من مكاتيبه = فخطي واضح ما فيه يمك اي محذوري
تساهلنا مع طيورٍ تطير بدون تحسيبه = وتترك دوحة خضرا يباس وغصن مكسوري

[ماجد المهدي]

إذا يغفى على مهمه بسهم النصح بنصيبه = وإذا ودك على التنبيه انا حاضر وعـ الفوري
ومن لا يستجب منا نقوم احنا بتشطيبه =ونبحث للذي دايم نشيط وفيه بنشوري

[الطائر المهاجر]

ترى بيتٍ بليا حزم الا ياسهل تخريبه = وانا اشوف اللي تشوفه ومنك ناخذ الشوري
فنفذ لاتراجعني وكل يفتهم عيبه = فقسمتنا على واحد ولانحتاج للصوري

[ماجد المهدي]

صدقت وببتدي في الحال اوجه والخطا نغيبه = وكلٍ ماخذٍ حقه بلا زياده وبلا جوري
رسائل ليتها تثمر نصائح مثل تهذيبه = عتابٍ ما بهي قسوه عليه الورد منثوري