الحســــايف

عودة بعد إنقطاع
وكل الأعذار لاتكفي

.

( الحســـــــايف )

يا مريض القلب مالك علاج إلا السماح=السماح علاج موصوف لأمراض القلوب
والحسد والبغض والله هي السم الذحاح=فتكها في العالم اشد من فتك الحروب
لوترى الدنيا غدت نهب بيدين الشحاح=لاتحسف دام الإنسان له رزق محسوب
الحسايف يوم تصحى وتلقى العمر راح=مابقى إلا مثل ريشٍ تقفّته الهبوب
ماصحيت إلا على الشيب في عارضك لاح=أشرقت شمسه وشمسك على وقت الغروب
والحسايف يوم ليلك يطول بلا صباح=لين تنسى كل امانيك واحلامك تذوب
ثم يوم النور يطلع على الحزم البراح=وإن وجهك متجه شام واحلامك جنوب
والحسايف يوم تتعب على غير الصلاح=تبذل المجهود ويضيع بطوال الدروب
وأنت راعي صدق والصدق ماحقق نجاح=كلما تصدق بحاجه يفوز بها الكذوب
في زمانٍ ضيّع الجد في بحر المزاح=ماتحصل من كثير الكلام إلا الذنوب
لاتضيّع حكمة الصمت إذا كثر الصياح=واترك العالم يروحون صوب وروح صوب
وانظر بعين البصيره ترى الدنيا كفاح= ماتشوف إلا معارك وغالب ومغلوب
كل مافي الأرض من خف وإلا من جناح=كلهم شارد وطارد وسالم ومعطوب
والطيور تطير في الجو تحملها الرياح=لكن طيور اللحم تاكل طيور الحبوب
والبشر فيهم هجومي ولو ماله سلاح=وفيهم اللي ساعة الجد ماهر في الهروب
وفيهم اللي يوم تقفي يسدد لك رماح=ويوم تقبل يبتسم لك وطيب ومحبوب
في زمانك وين تلقى القلوب اللي صحاح=والمصالح تحكم الناس راضي ومغصوب
عندهم ترك العوايد تقدم وإنفتاح=والصداقه عندهم لبس ثوب وخلع ثوب
لو بدايتها محبه نهايتها جراح=وانشد اللي عاش بين القبايل والشعوب
إختبرت الناس بالسر لين السر باح=وإختبرت وجيه الأصحاب واعطوني الجنوب
كم صديقٍ كان في العين ومن العين طاح=يوم جاء وقت الصداقه وميقاف الوجوب
أشهد إن الجود كالطيب لو تخفيه فاح=واشهد إن البخل عيبٍ من كبار العيوب
والطمع سارق يضوّي السرايق في المراح=والفقر نهّاب يدخل يدينه في الجيوب
والسعيد اللي قنع من زمانه وإستراح=وإنتبه قدام تلعب به الدنيا اللعوب
لو صبر صبر الجوازي عن العد القراح=خير من دنيا تغره وعنها مايتوب

[الطامي]

الطلحي
صح السانك
ولاهنت يالغالي

[عذب القوافي]

حبك وسبك حكم متتاليه في نص شامخ من شاعر يجيد الإبداع

الشاعر / عبدالله الطلحي

صح لسانك على هذه الوافيه

تقديري .

[العيناء العامريه]

اهلا بعودتك

و صح لسانك على حكمتك و نظمك

تقبل تحياتي

[منيع]

ابيات رائعه
بارك الله فيك
تحياتي

[صوت الإحساس]

مكانك القلب


حياك الله

درر صح لسانك

لك الود
ولحرفك الإعجاب

اشكرك جدا على هذه الكلمات

يعجز لساني على وصفها

لما تتميز به من روعه وإبداع

[الخنساء]

مريض القلب مالـك عـلاج إلا السمـاح
السماح علاج موصوف لأمـراض القلـوب
والحسد والبغض والله هـي السـم الذحـاح
فتكها في العالم اشـد مـن فتـك الحـروب
لوترى الدنيا غدت نهـب بيديـن الشحـاح
لاتحسف دام الإنسـان لـه رزق محسـوب
الحسايف يوم تصحـى وتلقـى العمـر راح
مابقـى إلا مثـل ريـشٍ تقفّتـه الهـبـوب
ماصحيت إلا على الشيب في عارضـك لاح
أشرقت شمسه وشمسك على وقت الغـروب



صح لسانك اخي الشاعر عبد الله
لاهان راسك قصيدة رااائعة
ترجمت الواقع الاليم
سلمت وسلم شعرك
دمت بخير

منتهى الروعة والابداع

تسلم لنا اناملك الذهبية يالغالى

ودمت ولا هان راسك

[الأموره]

صح لسانك ،،

سلمت يالشاعر ،،

الف شكر لك ،،

دمت برعاية الخالق ،،