من خواطر العيد

[محمد عبدالله البدراني]

الافاضل والفاضلات هذه خاطره من خواطر العيد من الارشيف

مجرررررررررررد خاطررره :

أعايدك يانوف يانوووف وارجيك =حتى لو انك عن عيونـي بعيـده
اعايدك يانـور عينـي واهنيـك = حتى ولو هو في حروف القصيده
بس اذكر اللحظات واخذ واناجيك =واعياد مررررت في حياتي فريده
اذكر لها يانووووف واذكر لياليك =واقول في الوقـت نفـذ وعيـده
شفتي وش اللي صار ماني بناسيك =مهما حصل ماقلت وش نستفيـده
الا ان حبك حاضراً مثل ماضيك =عزٍ مناره مضرمـاً بـي وقيـده
ماهي بنار بقيق ماهـي بهاذيـك = الا ان لهبهـا مشعلـه مايبـيـده
ماني من اهل العيد بالعيد ناهيـك = لا تبعثين الـورد وانتـي بعيـده
لاتعبثين بقلب ماله سـوى ذيـك = ذيك العيـون الذابحـات السهيـده
ومن كل قلبي قلتهـا الله ايهنيـك =وانا لي الله وارتجي انك سعيـده
وقتٍ مضى واليوم ماني حواليـك = لكن على الله يالشفـوف الزهيـده
ولاواهني اللي يشوفـك وياليـك = ياكبر حظه بـك ويازيـن عيـده

تحياتي
مع اسمى ايات الشكر والامتنان فائق التقدير واطيب المنى رعاكم الاله
..

[عذب القوافي]

صح لسانك أخي الشاعر الجزل / محمدالبدراني

وكل عام وأنت بخيرومن العائدين الفائزين

كل هذا وخاطره !!!!!!!!!!!!!!!!!!

تقديري,,,,,,,

[الطامي]

البدراني
صح السانك
واعايدك يانووووووووف
لاهنت ولا شنت
شكرا لك

[منيع]

ابيات جميلة
شكرا لك
تحياتي

[ابو أنس]

الفاضل محمد البدراني..................
وان كانت من الأرشيف
الا انها طازه وكأنها من الفرن
لذيذة عذبة مورقة للذائقه .محرقة للقلب والعاطفه

ولاواهني اللي يشوفـك وياليـك
.............................. ............ياكبر حظه بـك ويازيـن عيـده

أونس بقلبي مثل ضو الآتاريك=النار بيضا واللهايب شديده
واضحك واسلم لالمحته يباريك=وابدي الرضا لك ثمّ(ن)اشد ايده
والدمع في عيني يبي أي تحريك=ثم يتهامل سيل حزني يزيده
ياشرهة(ن)في خاطري يوم اناجيك=ما غير ادافعها ولو هي عنيده

ابو عبد الله .....
عيدك مبارك وعساك من عواده وكل احبابك وانتم في صحة وسعادة وسعة عيش

أمام نصك الفاخر اللذي استشفه واستشرفه
أقول صح لسانك ولاهان راسك
لك كل التحايا وعاطر الود

[داعي الشوق]

صح لسانك يا بو عبدالله

وعيدك مبارك

ما قصرت على العيدية كفيت ووفيت

دائما متميز يا بو عبدالله

ما شالله عليك

صح لسانك مع التحية لك

،،،،،،،،،،،،،

[ام العمده]

الشاعر القدير/محمد البدراني

صح لسانك واعتلى شانك
لاهان راسك
هنا نثرت الدرر بين سطورك
كتبت فابدعت وللقارئ امتعت
لاتحتاج شهاده مني
دمت بهذا الشموخ والابداع

تحياتي وتقديري

[ابوعبدالرحمن القريشي]

محمد البدراني
كل عام وانت ومن تعايد بخير
خاطرتك نبهت خواطرنا

دمت بحفظ المولى

[الـزلـزال]

يامن تعايد نوف ربي يهنيك = حتى ولو نوفك عليكم بعيده
والله يحقق لك ليالي مساعيك = وتشوف نوفك في حياتك سعيده
جيتك مهني يوم كلآ مهنيك = جيتك أقول أبيات شعرك فريده
لوكان ماخطيت صاير بماضيك = أنا أشهد أن أبيات شعرك جديده
عسى الفرح دايم يحول حواليك = وعسى المحبه ماتجي لك شديده
والله يقرب لك حبيبك ويرضيك= وتطفي لهايب قلب صارت وقيده
جاتك حروف الشعر جاتك تهنيك= والمعذره لوكان ماهي سديده

محمد عبدالله البدراني

كل عام وأنت باسعد حال

وصح لسانك ملايين ملايين


لك أرق تحيه

[الخنساء]

صح لسانك اخى الشاعر محمد

لاهان راسك قصيدة رائعة

وكل عام وانت بخير

سلمت ودمت بخير