نصيحة في زمن لا يقبل النصيحة

[محمد بن عمار]

السلام عليكم ورحمة الله وبركاته
(( الدين النصيحة )) ولكن نحن في زمن
لايقبل النصح فلعل وعسى أن نكون ممن ساهموا في بذلها
مشاركة بعد (الفلترة) ، عسى أن ترتقي لأذواقكم الشامخة
(نصيحة في زمن لا يقبل النصيحة)

بسم الله ابدأ وأبتدع زين الأمثال = نصايح ٍ مثل (الد رر) في نشايد
الخير له مدخال ،، و الشر مدخال = والرابح اللي عن رداهن يحايد
زمان أهلنا راح ،، والوقت به زال = وجانا زمان اللي قليل .. الفوايد
بيوت النشاما . هاك الأيام ، مدهال = تجمع قريبين الظعن ،، والبعايد
كريم سبلا ،، في يده ، ما اجتمع مال = الفعل يثبت مايبي له ، شهايد
مركي على ضوه ، أباريق ودلال = نار ٍ لهبها ، في السماء له وقايد
والقهوة يبهـّر بها ، أفخر الهال = تجلى العماس اللي على الراس كايد
أجيال راحت قبلنا ، وهذي أجيال = من طاع ربه صار بالعلم ،، سايد
أقفت سنين ٍ وإنقضت مالها أشكال = يوم الصقر له في الحبارى طرايد
وجانا زمان اللي معه قرش ، وريال = يشري من الأموال شعر وقصايد
ودام النصا يح هالزمن صارن ثقال = بأخاطب أصحاب العقول الرشايد
الحلم ، عدّه سيّد ،، لكل الأفعال = والصبر ، مفتاح ٍ ،، لصدق الوعايد
والعفو،عند المقدرة ، شيمة رجـال = تفخر به ، الأنجال ،، وكل الحفايد
والنفس ، لاتمشي ، على كل منوال = تجيب ، مع زود الفشيلة ،، نقايد
وأترك مصاحب ، راعي القيل والقال = هرج ٍ يجيبه ، فيه نا قص وزايد
خلك ، على درب المراجل ولو طال = مهما يطول الدرب ،، بالخير عايد
فالحر، حر ٍ ، مسكنه ،عالي جبال = ما يارد الجيفة ،، ولاهي ،، عوايد
والبوم ، ساكن في الخرايب ونزّال = ما بين ، خوص سقوفها والجرايد
الفرق ، شمس ٍ ما تغطى بغربال = لو تنشد ( العميان ) ما أبدى جحايد
والماء ، يجيبه ، من بيقدر، ويحتال = لا صار حلحيل ٍ ،، بوقت الشدايد
ذرب اليمين ، معّرب الجد و الخال = ما يمنعه ، قطع الرشاء في الحدايد
ما دام ( خرجه ) فيه حبل ٍ ،، ومحّال = تارد غروبه ،، مثل ماكان رايد
وإلاّ الغشيم ، اللي بلا دلو ، وحبال = يهلك ،، و ظنه ، كل رمـّاي صايد
ترى الدهر ، له صكة ٍ ،، كل ما مال = يجلب على الرجّال ،، زود النكايد
والدين .! يعمي العين في كل الأحوال = امفرق الأ صحاب ، جمع وفرايد
الفقر،، ما ميّز ، لطرقي ، و جمـّال = ذبح الرجال ،، امفـصّد ٍ ، الورايد
طمـّن .! عزيزين ورفع ناس ٍ أنذال = ناس ٍ تظن المال ، يشري عقا يد
خسران ، ياللي بالغنى مشغل البال = ربحك ( ربا ) يربى ، بكثر الرصايد
ترى الغنى ، بالنفس ، ياخبث الأعمال = والفقر، ماعيّب ،، رجال ٍ سنايد
يا ما فقير ،، وعايش ٍ بأ سعد الحـال = مع الجماعة ،، كل عيد ٍ،، يعايد
ويا ماغني ٍعايش لجمع الأموال = يسهرعلى المنكر، و بذخ ، الموايد
يجاوب الآذان ،، زمـّار،، طبـّال = ويصبح ،، يدوّر للغطاء ،، والوسايد
قلبه غفل عن ذكر، قصـّاف الآجال = يوم البشر تبدأ ،، بجني الحـصايد
تلهى ذوات الحمل في وضع الأحمال = والمرضعة تذهل ، لشيب الولايد
وكل البشرمثل السكارى بالأهوال = ماهم سكارى ! عقولها اللي شرايد
فوق السراط ، الكل نادي ، بولوال = الدرب ضيـّق ، والبشر في تزايد
أحد انخدش وأحد ٍعلى البطن سحـّال = وأحد ٍ نجا وأحد ٍ وقع في المصايد
يالله ،عسى الجنة لنا ، حظ ٍ ، وفال = يوم الندم ،، للنا س ، ماهو بفايد
يوم إن ظلك ،، مابقى غيره ،، ظلال = في موقف ٍ ،، كل ٍ دموعه بدايد
وصلاة ربي ،، عدّ ماهل ّ ، همـّال = على النبي ، اعداد ، حـّي ٍ ،، وبايد

مودتي لإصغاءكم
محمد بن عما ر

[الطائر المهاجر]

سلمت
وصح لسانك وفكرك
على الملحمة الخيره
لاهنت
تحياتي

[الطامي]

بن عمار
صح السانك ملايين
رائعة لافض فوك اخي
قول مميز ونادر
شكرا لك

[الضمير]

جزلة من راس جزل
احسنت ولله درك
ولاهان راسك
دمت بخير

[سناعيس]

ياسلام عليك يابن عمار
قلت فأجزلت
صح لسانك ولله درك

تحياتي

[أم ريما]

وأترك مصاحب ، راعي القيـل والقـال

هـرج ٍ يجيبـه ، فيـه نــا قــص وزايــد

خلـك ، علـى درب المراجـل ولـو طـال

مهمـا يطـول الـدرب ،، بالخيـر عـايـد

فالحـر، حـر ٍ ، مسكنـه ،عالـي جـبـال

مـا يـارد الجيفـة ،، ولاهـي ،، عـوايـد

صح لسانك

قصيده جميله

تحياتي لك

[داعي الشوق]

المشاركة الأصلية كتبت بواسطة محمد بن عمار

السلام عليكم ورحمة الله وبركاته
(( الدين النصيحة )) ولكن نحن في زمن
لايقبل النصح فلعل وعسى أن نكون ممن ساهموا في بذلها
مشاركة بعد (الفلترة) ، عسى أن ترتقي لأذواقكم الشامخة
(نصيحة في زمن لا يقبل النصيحة)

بسم الله ابدأ وأبتدع زين الأمثال = نصايح ٍ مثل (الد رر) في نشايد
الخير له مدخال ،، و الشر مدخال = والرابح اللي عن رداهن يحايد
زمان أهلنا راح ،، والوقت به زال = وجانا زمان اللي قليل .. الفوايد
بيوت النشاما . هاك الأيام ، مدهال = تجمع قريبين الظعن ،، والبعايد
كريم سبلا ،، في يده ، ما اجتمع مال = الفعل يثبت مايبي له ، شهايد
مركي على ضوه ، أباريق ودلال = نار ٍ لهبها ، في السماء له وقايد
والقهوة يبهـّر بها ، أفخر الهال = تجلى العماس اللي على الراس كايد
أجيال راحت قبلنا ، وهذي أجيال = من طاع ربه صار بالعلم ،، سايد
أقفت سنين ٍ وإنقضت مالها أشكال = يوم الصقر له في الحبارى طرايد
وجانا زمان اللي معه قرش ، وريال = يشري من الأموال شعر وقصايد
ودام النصا يح هالزمن صارن ثقال = بأخاطب أصحاب العقول الرشايد
الحلم ، عدّه سيّد ،، لكل الأفعال = والصبر ، مفتاح ٍ ،، لصدق الوعايد
والعفو،عند المقدرة ، شيمة رجـال = تفخر به ، الأنجال ،، وكل الحفايد
والنفس ، لاتمشي ، على كل منوال = تجيب ، مع زود الفشيلة ،، نقايد
وأترك مصاحب ، راعي القيل والقال = هرج ٍ يجيبه ، فيه نا قص وزايد
خلك ، على درب المراجل ولو طال = مهما يطول الدرب ،، بالخير عايد
فالحر، حر ٍ ، مسكنه ،عالي جبال = ما يارد الجيفة ،، ولاهي ،، عوايد
والبوم ، ساكن في الخرايب ونزّال = ما بين ، خوص سقوفها والجرايد
الفرق ، شمس ٍ ما تغطى بغربال = لو تنشد ( العميان ) ما أبدى جحايد
والماء ، يجيبه ، من بيقدر، ويحتال = لا صار حلحيل ٍ ،، بوقت الشدايد
ذرب اليمين ، معّرب الجد و الخال = ما يمنعه ، قطع الرشاء في الحدايد
ما دام ( خرجه ) فيه حبل ٍ ،، ومحّال = تارد غروبه ،، مثل ماكان رايد
وإلاّ الغشيم ، اللي بلا دلو ، وحبال = يهلك ،، و ظنه ، كل رمـّاي صايد
ترى الدهر ، له صكة ٍ ،، كل ما مال = يجلب على الرجّال ،، زود النكايد
والدين .! يعمي العين في كل الأحوال = امفرق الأ صحاب ، جمع وفرايد
الفقر،، ما ميّز ، لطرقي ، و جمـّال = ذبح الرجال ،، امفـصّد ٍ ، الورايد
طمـّن .! عزيزين ورفع ناس ٍ أنذال = ناس ٍ تظن المال ، يشري عقا يد
خسران ، ياللي بالغنى مشغل البال = ربحك ( ربا ) يربى ، بكثر الرصايد
ترى الغنى ، بالنفس ، ياخبث الأعمال = والفقر، ماعيّب ،، رجال ٍ سنايد
يا ما فقير ،، وعايش ٍ بأ سعد الحـال = مع الجماعة ،، كل عيد ٍ،، يعايد
ويا ماغني ٍعايش لجمع الأموال = يسهرعلى المنكر، و بذخ ، الموايد
يجاوب الآذان ،، زمـّار،، طبـّال = ويصبح ،، يدوّر للغطاء ،، والوسايد
قلبه غفل عن ذكر، قصـّاف الآجال = يوم البشر تبدأ ،، بجني الحـصايد
تلهى ذوات الحمل في وضع الأحمال = والمرضعة تذهل ، لشيب الولايد
وكل البشرمثل السكارى بالأهوال = ماهم سكارى ! عقولها اللي شرايد
فوق السراط ، الكل نادي ، بولوال = الدرب ضيـّق ، والبشر في تزايد
أحد انخدش وأحد ٍعلى البطن سحـّال = وأحد ٍ نجا وأحد ٍ وقع في المصايد
يالله ،عسى الجنة لنا ، حظ ٍ ، وفال = يوم الندم ،، للنا س ، ماهو بفايد
يوم إن ظلك ،، مابقى غيره ،، ظلال = في موقف ٍ ،، كل ٍ دموعه بدايد
وصلاة ربي ،، عدّ ماهل ّ ، همـّال = على النبي ، اعداد ، حـّي ٍ ،، وبايد

مودتي لإصغاءكم
محمد بن عما ر

صح لساااااانك مليوووووووون يا بو عبدالعزيز

و أحسن الله اليك

و جزيت خيرا

قصيدة جزله بالحيل

كفيت و وفيت يالشاعر

تقديري لك

و صح لسانك

ولاهنت

***************

[نجم الإبداع]

صح لسانك يابن عمار

قصيده وافيه من وافي ونصائح طيبه

لاهنت

تقبل مروري

وتقديري

[الـزلـزال]

محمد بن عمار

قصيدة هادفه ومعبره ومتقنه

من شاعر متمكن وجزل في كل حالاته

أبدعت بكل المقاييس ولنا أمتعت شاعرنا الراقي العذب

دمت كما عهدناك شامخ ومميز ودام لنا نبض حرفك الفتان

صح لسانك ملايين ملايين

ولك فائق تحياتي وتقديري

[الخنساء]

الحـلـم ، عــدّه سـيّـد ،، لـكـل الأفـعـال

والصبر ، مفتـاح ٍ ،، لصـدق الوعايـد

والعفو،عنـد المقـدرة ، شيـمـة رجــال

تفخـر بـه ، الأنجـال ،، وكـل الحفـايـد

والنفس ، لاتمشـي ، علـى كـل منـوال

تجـيـب ، مــع زود الفشيـلـة ،، نقـايـد

وأترك مصاحب ، راعي القيـل والقـال

هـرج ٍ يجيبـه ، فيـه نــا قــص وزايــد

صح لسانك اخى الشاعر
مليوووووون ولايكفوون قصيدة
جزلة من شاعر متمكن
سلمت ودام حرفك