رد الهديه وجب والرمي بالمرجلي

[نجم الإبداع]

الي يطب البحور الهوج من خندقه =ماهاب من موجها العاتي على الموحلي
يحسّب البحر بير ويطرق الطرطقه=ماجس غبات مد الكف تحت الصلي
لو عضه الداب والا بالعيون ازرقه=قلنا على خير يابو الساعد الاخطلي
الصاحب الي لفاني بالغوى جولقه =رد الهديه وجب والرمي بالمرجلي
يرمي مغمض وفي رمي الهوى حزوقه =ويبهّر الدله بالكمون والفلفلي
قدم لي الطيب والبسمه على دورقه =طعمه من المر مدري المر والحنظلي
بداية الملحمه بالنوش للي ثقه = والي ينوش الجبال الراسيه مابلي
اللحم لافات فاشرب لو شوي امرقه=لاتلحق الي زعل من لاش وتولولي
شفته تلوى وضوى داخل الجرنقه=والميكر اسكوب بالفضه جداره طلي
يقرب الي على الريضان فيه اشعقه=ويلزم الصمت مايتبع هوى المسبلي
لكن بعض القنابل ضوت المنطقه = واهتز ناوان والرمه وبن هشبلي
حسيت من ثورت البارود ثور احدقه=والحب لو مانطحن يثبت في المنخلي
ياصاحب الرمي كف الرمي ولا اطرقه=ولا تعوذ من الشيطان بالمنزلي
ماقلت غير الصحيح وما معي سورقه=والعلم مثبوت لو غنى لك البندلي
ماكان في بالي انك تعشق المحرقه = لكن دامك هبطت السوق متكبلي
من راغ قلبه وجاه ابليس وتمنطقه=مارم عظمه وهو من قبل متهلهلي
يومه هوى شاله التيار من مرفقه = وداه وادي يلالي من حوالي حلي
شفته يواوي وعينه صابها بقبقه =وصابه اجنان مما شاف بالموصلي
يشكي من الحق وانا خابر العملقه=راعي الزراعه حلف مايملي المكتلي
ودامه هوى واهتوى وانسل من بوتقه=وضاق صدره وقبّل يحمل المعولي
يصبر على مايجي لو يكثر الزبرقه=لاحام صقر وتعلى ساح ابو منجلي
الصقر في الجو عينه تبصر الزنبقه =وابو منيجيل ياكل من بواقي القلي
ماضاق صدري من الي يصبغ العفنقه=واجهل على الي بدى لي بالردى يجهلي
الي ترونق وراقت عنده الزرنقه=من كبر مادري من الساخن جيوبه ملي
قام ايتفلت وكنه من ورى بروقه =غبر على القرن يومه شاهد الحنشلي
لوّه درس بالمعاهد شغلة الفندقه = لن كان يذبح لنا في كل ليله طلي
لكنه اقبل بسيف وطوّل الحندقه= وانا ليا شفت فارس صار بالي حلي
احب نظم القوافي دامها مورقه = واسري مع الهاجس الي بالهوى يصهلي

[محمد بن عمار]

صحححححح لساااااااانك فلاااااااح وجاد بيانك ولاهنت

[الـزلـزال]

نجم الإبداع

نص شعري في قمة الروعه والأتقان

من نجم مميز ورائع في كل مايقدمه

ابدعت وأمتعت فلاحنا رعاك الله

دمت ودام حرفك المميز

صح لسانك ملايين ملايين

ولك فائق تحياتي وتقديري

[عمر ال شيبي]

يصهلي

الين انها محبوكة شعر وشاعر ما يصعب عليه القاف

قويه المظمون والمفردات الطيبه

صح لسانك لا هنت

[صعبة المنال]

يحسّب البحر بيـر ويطـرق الطرطقـه
ماجس غبات مد الكف تحـت الصلـي



ددوم مميز يا فلاح
ودووم متجدد


صح لسانك ونبضك

صعوووب

[عبدالله راشد الثويني]

ياسلام يافلاح

قصيده اكبر من ان يعلـّق عليها بعدد من الكلمات

أكتفي بالصمت



صح قلبك ولا هنت

[عبير الورد]

صح لساااااانك ملايين
سلمت وسلم منطوقك الجزل
ربي يعطيك العافية

[عبدالعزيز العمار]

فلاااح صح لسانك وجاد بيانك

شاعر جزل ومتمكن وقدير

لاهنت ولاهان حرفك وإبداعك

تحياتي وتقديري

[الذيب الذيب]

صح لسانك يا نجم الإبداع إسم على مسمى

[الطامي]

اللحم لافات فاشرب لو شـوي امرقـه
لاتلحق الي زعل مـن لاش وتولولـي
شفته تلوى وضـوى داخـل الجرنقـه
والميكر اسكوب بالفضه جـداره طلـي
يقرب الي على الريضان فيـه اشعقـه
ويلزم الصمت مايتبع هـوى المسبلـي
لكن بعـض القنابـل ضـوت المنطقـه
واهتز نـاوان والرمـه وبـن هشبلـي
ـــــــــــــــــــــــــ
فلاح
صح السانك ملايين
رائعة جدا لافض فوك اخي
محبوكة من شاعر ملهم
شكرا لك