الميدان ياحميدان

المشاركة الأصلية كتبت بواسطة المشرف العام

هلا ومرحبا بك يالمتفائل جدا
وين متفائل .... اعمل لدنياك كأنك تخلد ابدا واعمل لآخرتك كأنك تموت غداً

قال متفائل قلت كلا وبلاّ = راعي عقار وخاسر في عقاره
يبيني اشري منه فيّ يتسلاّ = وياخذ كمسيونه وربحه وجاره
ويقول اماره اي اماره تبلاّ= ان كان تبغيها فهي لك تجاره
ماني مدورها ولو في المكلا= تكفي الفطاحل عن جميع الاماره

قاد الفطاحل حر بوكره تعلا=رجلاحليم الخلق بحكم وقاره
وسنعوس من قوم تفك الشكلا=نعم الطنايا نعم اهل الاماره
وكان زل القاف وغير محلا=انتم كبار السن وحنا صغاره

[الطائر المهاجر]

وعدك باكر ... هالحين النوم سلطان

نوم العوافي ماقلت انكم شيبان مالكم ليل....ههههههه تصبح على خير وهاذي بوسه على راسك

[سناعيس]

اطول نفس للي على الشعر دلا=يقول قوله ويعرف انه جساره
واللي كثر هرجه وللجزل خلا=ماله عن الفركات يطرد غباره
ان كان وده ينتظر ويتحلا=بالصبر نكتب له ونصدر قراره

[الطائر المهاجر]

متفائلٍ في الشعر نوره تجلا = باخلاق حر عن صحيح وجداره
ونا ادور حر من وين حلا = واقول فل الجنح فالدار داره
تقديره اللي اتضح بالفعلاّ = في حب راس العود يظهر وقاره
لكن مني من يرغبه بالجبلاّ= ابوك الزم من غريب وجاره
والشيب شيب القلب لامن تخلا = عن حب دعج العين واسدل ستاره
ونا قلبيبي مثل عصفور دلاّ = يفز لامن شاف بيض الحباره
توه شباب ولو بقبره يدلاّ = يمكن بدار الخلد ينفض غباره

[الطائر المهاجر]

سنعوس ماني من فرك او تولاّ = كلش وله حزات في كل غاره
اقوم بدري مثل طير جفلا = فالنوم كثره تاركه باندحاره
وترى الجساره مثل سيف تعلا = من يمشقه يفلح بعصر الحضاره

[سناعيس]

ياطير قصدي هو واما انت كلا=قلت الذي شفته وانا بانتظاره
يومه ضحك عقبك بناب يفلا=هو يحسبنا من هواة انثباره
واما انت ياطير السعد ماتملا=نذبح لك الحاشي وتاكل فقاره

ولازلنا أنا وأنت بانتظار متفائل جدا ومن أراد الدخول

[ابو زياد]

مشا الله عليكم
يعطيكم الف عافية

[الطائر المهاجر]

توه جديد ولو بقافه تغلا = نعطيه فرصه لين ندري دثاره
كانه على قوله به القلب هلا= وكانه تغير نفتهم وش شعاره
لكن ظني فيه زود تعلا = ولاحكم على الغايب ونا اجهل عذاره

المشاركة الأصلية كتبت بواسطة المشرف العام

توه جديد ولو بقافه تغلا = نعطيه فرصه لين ندري دثاره
كانه على قوله به القلب هلا= وكانه تغير نفتهم وش شعاره
لكن ظني فيه زود تعلا = ولاحكم على الغايب ونا اجهل عذاره

من يرفع الرايه له القلب هلا=ومن يرغب العوجا تجيه الخساره
واكبرحرام الثوب لامن تدلا=وانتا فهيم وافتهم للاشاره
من صك باب الشرصيته تعلا=جيب الحطب للنارمابه جساره