مساجلة التحدي بحرفين فأكثر ومن بدعك

[ابو أنس]

راق لي نظم القصايد والاشعار=يوم الفطاحل طوعوا كل طاروق
لفيت اسلم وانتظر ياهل الدار=عسى الركايب مايجي مشيها عوق

[منيع]

وقف ولاتسبق تدابير الاقدار=حبلى الليالي من تصاريف الايام
واللي من اهل الدارلودارمادار=نوخ اركابك والمجاهيم قدام

[ابو زياد]

اما تجول عند عيني على الدوم/=/والا تصد ولا يجي لك مواري
صحيح لا قالوا ولد بط والعوم/=/طبعك ولكن تحسب انك قماري

[منيع]

ريح خفوقك وارجهن بضعة ايام=وراجع عيادة طب نفس قريبه
ترى الشعرلازاديضرب بالبهام=واللي ورى تاروت يسمع نحيبه

[الطائر المهاجر]

هبيل من قال الاطباء يداوون = وفي الطب النفسي فاهم وش عللهم
نصف خبل والنصف الاخر يغنون= الهم جيبك دام غطوا فشلهم

[نجم الإبداع]

هم ولعوني بالقوافي والاوزان = زمان يوم الحسن يسبي عيوني
واليوم ماعد للهوى في عنوان = وعشقت نسج القاف بين المتوني

[الطائر المهاجر]

تنتف شاربي من كثر ما آفتل على الخالي= افحط في مكاني والخلايق سابقه بعضا
واصوت واثري ببر وسيعٍ ماشي لحالي = مثل من ضيع القبله ولا يدري متى الفرضا

[نجم الإبداع]

هلا بك ياعشيق القاف مثلك عندنا غالي= وسيع الجال ياعثمان وانا مير بي قرضا
الا ياعود خبرني عن الدنيا والاهوالي = علام اعلاج هذا الوقت مايشفى به المرضا

[يزيد النمي]

ضاقت علينا واسعات الفجوجي = والامر للمعبود علام الاسرار
الله يعين مساهرين البروجي = يرعون بالظلما هواجيس وافكار

[نجم الإبداع]

ارسم الخطه وانسى الفطحله بالطريق = لوتذكرت ماحولي يضيق النطاق
صار فكري اسير الحرف كني غريق= او جريحٍ تردى فوق نفط العراق