كشكول الغريب

[الغريب]

المشاركة الأصلية كتبت بواسطة شموخ سدير

متاااااااااااااااااااااااااااا ااااااااااااااااااااااااااابعه

والله يوسع صدرك بالعافيه مثل ما انت موسع صدورنا

وجب لنا معك من ابها مطر


ههههههههههههههههههههههههه

تسلمين ياشموخ الفطاحلة

ايوا كذا اضحكي و وسعي صدرك محنا مخذين شي من الدنيا

انا توني نازل من منطقة يقالها حبلة برد وغيوم بصراحه عندهم اماكن جنان بس !!!!!!! افهميه

[الغريب]

المشاركة الأصلية كتبت بواسطة صعبة المنال

غريب الاه فى ابها اله نيالك يا عم وجالس فى مقهى بعد آآآآآآآآآآآخ يا القهر
لك شو هيدى ابداع فى ابداع
بالنسبة للشعراء شكلك عامل عملة صرت اخاف منك
انا ليكون انت خزان الاحزان ولا اسير الشوق
علينا يا غريب بس
الله يرجعك لنا سالم غانم
ما شاء الله عليك حتى فى ابها احنا معك الفطاحلة يجمع فيه قلوب كبيرة وانت منها يا غريب


ها وايش طلع اسم الاخ

هههههههههههههههههههههههههههههه

والله يا صعبة لو جيتي زيارة راح تنبسطين انت وابو العيال والعيال كمان

اشكرك على دعواتك وعلى حضورك وتعليقك

الا كيف الرطوبة والحر عندكم

[الغريب]

يا ابن الحلال لازم يكون اسمك مميز وفيه جاذبية ولازم تحس انه اسم موسيقي يعزف نفسه بنفسه

لازم الاسم يوحي بشي من الواقع وأنت إنسان مليان إحزان وكتلة مشاعر ولازم تفضي الخزان

فهمت القصد ولا لا

والله مدري وش أقولك يا الغريب

شكل العالم بتضحك على وأنت تقولي إثارة واكشن

ما عليك أنت اسمع كلامي وكل الأمور بتصب في صالحك

من عرفتك ما شفت شي صب في صالحي

خل عنك ألبربره واسمع الكلام

شف ها الحين أبيك تحفظ كم من بيت وتحفظ عندك مواقع الشعراء وتحاول انك تتفهم المفردات وتستوحي قصيدة من خلال مشاعرك يعني الخزان أبيه يصب مشاعر أبيه يغرق المنتدى أبيه يخلي قسم الأدب ربيع أبيك تصير وسم المنتدى

وبدءا الأخ يغدق على المنتدى بخواطره

كان هناك بعض الكتابات اللي ادري عنها وبعضها كانت بدون استشارتي ، وكنت أتخوف من اللي تنشر بدون علمي أو اخذ رأي فيها بحكم خبرتي ومعرفتي المسبقة



تقابلنا بعد فترة

قال أبشرك في قسم الأدب كان ميلادي، بصراحة أحس الكل يتفاعل مع كتاباتي

قلت اتركني من الكل البنية رأس المال وش ردود الأفعال عندها

قال أبشرك تتجاوب معي وتشجعني وتقولي بانتظار المزيد وفي احد الردود قالت خزان الإحزان والرومانسية وجهان لعملة واحده

شف ياغريب وش رأيك أبي أرسلها رسالة خاصة واكتب لها كم من بيت وأقولها هذي الأبيات تصورك وتعبر نيابة عني

قلت بهواك بس انتبه لا تجيب شي من برا وتقولها كلماتي

قال لا تخاف المهم أبي أبيات تهز مشاعرها وتفجر عواطفها وتثور إحساسها

قلت وش دعوه بتدخلون حرب شكلك بتنتق البنت ولانت مخلي فيها قطعه

قال إيه حرب

حرب الحب والآهات

حرب العواطف وتحريك السكنات

الله الله وش ها الكلام والله وصرت تعرف تعبر أتريك منت بهين يا الدب أسف قصدي يا خزان



قال آه ه ه ه ه ه ه ه ه ياغريب لو تعرف وش اللي في قلبي كان علوم

بسم الله على قلبك، هذا وأنت ما بعد شفتها، عيني يا عيني والله قمنا نتكلم عن القلوب والحب

خلها على ربك

ما يخالف اكتب لك بيتين واعرضهم على ويصير خير
بعدين أبيك تعرف شي مهم لازم تفهم إن تعبيرك يدل على شخصيتك ويترجم أحاسيسك وهذا راح يكون نابع من حياتك ومعاناتك في الحياة يعني أبيك تعبر من ذاتك عشان يكون كلامك معبر ومؤثر مو مثل بعض الشعراء والشاعرات يكتبون أي شي بس أهم شي أنهم يظهرون على الساحة إنا مآبي ظهورك يكون سطحي أو وقتي أبيه راسخ وابدي فاهم ولا لا بعدين أبيك تصير ثقيل ممكن تشوف المدير ومجلس الإدارة يجوون ويمدحونك بزود اعرف أنهم يرفعون فيك وهذا شي معمول فيه في كثير من المنتديات يرفعونك وبعدين يهمشونك انتبه وخلك ثقيل وحاول انك تلعب معهم بأسلوبهم انتبه مو تطير في العجه

الأخ ما قدر يتحمل الانتظار بعد محاولات فاشلة ما قدر يعبر ببيتين تفجر العواطف ما دريت إلا والأخ لطش من ديوان مليحة الفودري وأرسل


بعد سهرة مع الدلال وشبت الضو في خيمته ما دريت إلا والأخ مولع شموع شي بريحه وشي بدون ريحه

إنا انصفقت وقلت يا ولد أنت وش سألفتك

قال ياخي مدري وش في البنيه كل يوم والثاني تسألني وش رأيك في الشاعرة الفلانية والشاعر الفلاني

وأكثر شي تركز على الشاعرات الظاهر انها معجبة وتبي تعرف انا امشي على خطى من ، من الشاعرات والشعراء

والله مدري بس احتمال أنها تكتب باسم مستعار ولا علمت احد واحتمال انها تبي تكشف لي حقيقتها الشعرية

إلا على فكرة وش سويت بالأبيات اللي قلت تبي تكتبها وترسلها

قال أبشرك راحت والبنية أعجبت بالأبيات

بعد إصرار وإلحاح

قلت له سمعني وش كتبت خلنا نتعلم منكم يا الحبيبة وش يدريك احتمال الله يرزقنا ببنت حلال تعجب أقوم أعطيها من أبياتك

حسيت الرجال يتهرب

قلت طبيعي أكيد الأبيات مكسرة وحالتها حاله بس مو مشكله البداية دايمن تكون كذا وكل الشعراء والشاعرات ابتدو صغار واليوم محد يفكر انه يعطيك وجه

بعد إصرار ومعاناة عشان أشوف واسمع وش كتب


طلع ديوان للشاعرة مليحة الفودري بعنوان(( بقايا كحل من عيون سود الصادر عام 2000))

قال بصراحة حاولت بس ما قدرت وقمت وأرسلت لها أبيات من الديوان وقلت هذي من تأليفي

بصراحة جلست فترة أناظر فيه وارشف من القهوة وأناظر فيه وارشف من القهوة

وأناظر و أقوله صب شاهي ولا يكثر حكيك



يتبع

[شموخ سدير]

كمل

والله متااااااااااااااااااااابعه \

وقول لنا النهايه تراني مستعجله مرررررررررررررره


غربرب بالتوفيق

[صعبة المنال]

ايه يا غريب
انا قايله ما انت بهين من يوم ما شفتك

كمل متابعين هههههههههههههه

[الغريب]

هههههههههههههههههههههههههه

تسلمون ياشموخ وياصعبة

الا وين احلى كلام لايكون سافرت وتركتكم في ذا الحر

[الغريب]

قلت له تدري ليه البنية تسألك عن الشاعرات

قال لا

قلت صدقني أنها كشفتك وتبي تصيدك

يخوي أنت متى تتعلم، متى تفهم

الواحد إذا يبي يسرق أو يقتبس يجيب شي ما يخطر على بال احد يعني دور لك من ها المبتدئين الصغار والطش منهم

مالقيت غير مليحة ، لعن ابودارك هذي أشهر من نار على علم

قال وش السوات

قلت مالك إلا حل واحد تقولها إنكم على صلة ونسب مع الشاعرة مليحة واهي اللي أهدتني ها الأبيات وأعطتني حقوق النص الأدبي

والله مدري وش أقولك

طيب بعد الأبيات وش قالت البنيه

بصراحة ياغريب أعجبت كثير فيها وقالت أنت إنسان مرهف الإحساس ومبين عليك عاطفي وشفاف

طيب أنت وش سويت

قال على طول أرسلت لها الرد وقلت لها إنا معجب فيكي من زمان من قبل القسم الإسلامي

قالت إنا حسيت بها الشي بعد التصميم اللي جبت ألوانه من ايطاليا مخصوص.

قلت بصراحة ما عرفت وش لون أوصلك بحكم إني مالي تجارب سابقه ما عرفت وش لون أتقرب منك واستشرت صديق وشار على

على العموم انسي اللي راح واعتبريه مجرد طريق للوصول لقلبك

قالت قلبي مرة وحده

طيب وش رأيك نتقابل في مكان ثاني ونتكلم

قال ما عندي مانع حددي المكان والزمان

ها وبعدين قال ما جاني رد

قلت له بذمتك أنت شفاف، أنت حساس، أنت عاطفي ،بذمتك هذا وجه واحد عاطفي هذا وجهك وجه بيبي فيس لعن أبو دارك أنت بينك وبين الرومانسية والعاطفة والشفافية مجرات لعن أبو دارك أحاسيسك تعتبر من مواليد ق.م

وش ق.م ذي بعد

يعني قبل الميلاد

قال وش فيه وش فيك انقلبت على يا غريب

يا بني أدام افهم تبي أيميلك عشان تتقابلون على الماسنجر وتأخذ راحتها في السوالف الخاتره تبي تفتح قلبها تبي تفضفض تبيك تحتضنها بحنانك وعواطفها لعن ابودارك البنت تبي تحس بأنوثتها مع رجل خلقت من اجله وخلق من اجلها تبي تشم عبق رجولتك الصافية فهمت يأبني ادم

يعني وش السوات

وش السوات

جب الكمبيوتر ها الحين وأرسل أيميلك

وأرسل الايميل وبعد ساعتين جات بشاير ألإضافة

وتقابله على الماسنجر
هلا

مين أنت

خزان الإحزان

ههههههههههههههههه
دوم يأرب مو بس اليوم

تدري إن اسمك حلو

عيونك الحلوة

ما شاء الله عليك تعرف تتكلم وتعبر

والله وش أسوي اللي يعرفك لازم يعبر

[صعبة المنال]

يا عينى عليك يا غريب
ابصم لك بالعشرة

طلعت باشا يا باشا
اشكرك على الصراحة الا متناهية


متابعه

[شموخ سدير]

متاااااااااااااااااااااااااااا ااااابعه

الله يوسع صدرك مثل ماوسعت صدورنا


كممممممممممممممممممممممممممممم مممممممممممممممممممممممممممممم ممممممممل


واحنا معااااااااااااااك .............

[عذبة الطباع]

خزان الاحزان <<اسم يبكي
باالله عليك من وين جبت هالاسم هههههههههههههههههههههه
عليك افكار ياغريب عجيبه
ياالله متابعينك ولا رحنا لايمين ولا شمال
شكل السالفه احلوت ودخلنا بالاثاره
متابعين بحمااااااااااس
تحياتي للقلم المبدع