المساجلة الشعرية العامة

[سناعيس]

بلاي من نقض علي المواجع=الله يسامح من فتح جرح مبطي
ياطير والله مانويت أتراجع=لكن بني ادم مع الحرص يخطي
ياليت منهو له جناحين ساجع=ياخذ من الالحان ساعه ويعطي

[الطائر المهاجر]

يهون جرح راح قض المضاجع = المشكله لا صار بالقلب يسطي
يلعب بقلبك وانت قرمٍ وشاجع = وتشغلك لسعاته مثل برد شبطي

[سناعيس]

ياكاسب الخبره مع الوقت قلي= متى يجي وقت اللقا والوداعي
لاصار خلك طول وقته يصلي=والا ليا منه تمرد ولاعي

[الطائر المهاجر]

عن اللذي مشغول وقته يصلي = يبي حديثٍ يفهمه باستماعي
واللي تمرد خل عنّك يولي = اثقل يجي لك خاضعٍ باقتناعي

[سناعيس]

ياسعد منهو ياخذ الراي بدري=قبل فوات الوقت يلحق على النفس
ولو كل واحد يفهم العلم يدري=ماكان به جاهل ولاكان به رفس

[الطائر المهاجر]

سلم امورك دون ضيقات صدري ..... للي خلقنا وارتجه لاتكن جفس
وما فات لاترجيه لو كان ندري..... واغنم شبابك لو وطاك الزمن عفس

[سناعيس]

سلمت أمري للولي يالمهاجر=لكن بغيت الشعر ياطير ينهاض
وما دام راسك للشعر دوم تاجر=عطنا جزيله لابرق أو بعد ناض

[الطائر المهاجر]

ضاع الشعر والملهمه بنت فاجر = عقب الفحاطل قاطعتني بالاعراض
يادوب اجاريكم مثل شغل تاجر = في مطعم من جاه لابد يغتاض

[سناعيس]

ضبضبت عفشي يارفيقي على طول=من عقب ماني فاله ومتعشي
لاياعزيز النفس ياوافي القول=شكرا على ماقلت من قبل لامشي

[الطائر المهاجر]

شللي حصل لاتكون من صاحبك ضقت = وضفيت عفشك ما تبي له مساجل