مساجلة التحدي بحرفين فأكثر ومن بدعك

اقبل من ايام التعب والفاني = شايل على متنه عناه وضيقه
سكنته بصدري بجنب احزاني = وبين المحاني ابتدا تفريقه

[نجم الإبداع]

يقهويك ابو عبدالله من صافي ادلاله = وانا معه ارحب فيك يالشيخ متجول
بدار الفطاحل يشجي الصب تعلاله = بهم كل فارس للقوافي ومتقول

[الطائر المهاجر]

ولعوني في الهوى بعد المشيب = واحسبني عاقل مثل الشباب
يوم انا مالي بحب ولا حبيب = ولا عرفت البيض من خلف النقاب

[نجم الإبداع]

ابحر ابدنيا القوافي يانجيب = هات جزل الشعر خل اهل الحجاب
وش تبي من راعي الخصر الرطيب = كل يوم السوق تاخذ له كتاب

[الطائر المهاجر]

ابدع القاف لكن دون حب وجمال = مثل زادٍ بليّا ملح وانت البخيص
ودون حب بهالدنيا تراها وبال = كل حب به الرحمه ولو هو رخيص

[نسناس الهوى]

يصدق الشعار قول ٍ بعضهم كله كلام = قاله الله في كتابه ينطقون ابلا فعول
وبعضهم ينسج خيوطه والفكر حلم المنام = يبدع القيفان كنّه قايل ٍ علم ٍ مهول

[الطائر المهاجر]

ول ياللي طب البحر دون مقياس = ما حسب لقاعه ولا لطم الامواج
تسحبه في لحظه ولو كان غطاس= وما تنفعه ياليت او كنت محتاج

[منيع]

اجل بعض النفوس اكبار=تتعب جسم صاحبها
وقليل الي بها عبار=وتاه الموج بغاربها

[الطائر المهاجر]

هالصباح اللي بدا اجمل صباح = مع شعاع الشمس واصوات الطيور
والخلايق تنتشر بين البطاح = ركض بالدنيا وهم فيها عبور

[نجم الإبداع]

ورد خدك حشا ماله شبه بالزهور = يالذي فوق خلق الله طاغي الجمال
ارحم المبتلى من مارج اعيون حور = واحفر القبر لو ماصار منكم وصال