الميدان ياحميدان

[الطائر المهاجر]

دام انها تسمع لغيرك شروحات = واعجاب زايد ما تبي صحصحتنا
ما تدري إنه مخفي سوء نيات = تطيح في فخه ولا سآلتنا
ولا من خلص منها رماها نفايات = ودور بديله جاهله عاندتنا

[سناعيس]

البنت حشمه الين تتبع سخافات=اهل عقول(ن) فاضيه مبلشتنا
البنت عفه لين تتبع هوى الذات=وعقب تصير مشرده ومخزيتنا
البنت بنت رجال ماهم خواجات=حنا لهم ذخر وهم مفخرتنا

[نجم الإبداع]

الخل والعنقاء من المستحيلات = والقافيه لاشك معك اطربتنا
قطعت وانا جيّ كل الاشارات = حتى الحواجز لاجلكم ماوقفتنا
قلت الفطاحل قالوا ابشر بلوحات = لاجل الفطاحل سفرتك ناسبتنا
سلم عليهم من بعيد المسافات = الصدر ماخالفه بالوزن متنا
اهل الصراحه في جميل العبارات = قلوب بيضاء بالوفا عاجبتنا

[نسناس الهوى]

دام الغضي جا على طاري الـ "شات" = والـ" Chat" حكيي بين القروم جتنا
في خاطري هالراي والراي ينشات = لا يوم حكيي ماجزا مدرستنا
البعض منهن عايشه بالملذات = والبعض الآخر وافيه قد كفتنا
مايستوي المذنب الى فات مافات = مع هاللذي حافظ صواب ٍ وفتنا

شات = Chat

[سناعيس]

عسى عليكم يالفطاحل سحابات=ترزم وتسكب من المطر مسقيتنا
فلاح ياوافي بعجل الاجابات = طلتك نور وبضيها مسفرتنا
ونسناس لك مني كثير السلامات=حيثك صدوق وجيتك معجبتنا

[الطائر المهاجر]

كل الفطاحل ياسناعيس هامات = روس الجبال الشاهقه ورفعتنا
في مجلس مافيه حكله ولفات = الكل واضح في دروب جمعتنا
احرار نسل احرار في كل حزات = علم وادب واخلاق هذي صفتنا

[الطائر المهاجر]

منيع خبرني عن العلم لو فات = لا تكون ياخلي زعلته عليّه
يومي اشد الحبل في بعض كلمات= وادور اللي صعب فالأبجديه

[الطائر المهاجر]

وين الجماعة ...الليلة جمعة وهذا الميدان ياحميدان

[سناعيس]

وين الفطاحل وين من يبدع القاف=وين اللذي لأشعارهم نفحة العود
نبي من الأشعار ماكان خفاف=يالله عساكم دايم اسهود ومهود

[منيع]

عثمان انا موجود وابشربفزعات=بس الحذر لاتصيركلك بليه
انا على مهلي واحب المسجات=وان طولت ماعاد روحه وجيه