مساجلة التحدي بحرفين فأكثر ومن بدعك

[الطائر المهاجر]

يامنيع وين جبت كلمة :ثهل ، لايكون يقولها واحد ما يعرف ينطق السين!!

[منيع]

لاطال عمرك من لسان العرب اليك المعنى
---------------------------------------------
ثَهِلَ الشيءُ يثهَلُ ثَهْلاً انبسط على الأرض

[نسناس الهوى]

تداخلوا بيديكم ورجليكم

المهم اني طلعت من الدين هههههه (:

[الطائر المهاجر]

ثهل التثني لوتمايل على القاع=خدالثـرى يلقـاه ولايضمـه
استخدامها هنا لايعكس ما وجدته لها من معنى في لسان العرب معنى انبسط على الأرض
فقد اتيت بها بمعنى سهل التثني ، فهلا تكرمت بإعادة الصياغة للتناسب مع ماجدته في القاموس.
اما انت يانسناس الهوى ، انقذك الله بتدخل منيع ، لكن الجايات اكثر من الرايحات..

[منيع]

ثهل انبساطه لوتمايل على القاع=خدالثـرى يلقـاه ولايضمـه
وياعودريحان منه العطر فاع=الزين كله فيك خاله وعمـه
--------------------
تجي كذا يابوعبدالله

[ابو زياد]

ماشالله عليكم
نسناس الهوى ومنيع والطائرالمهاجر
ولا يهون الشاعر فلاح
كل مابغيت ادخل معكم عجزت خطاكم طويله تتعب اللي بيلحقكم

[الطائر المهاجر]

مهما نقول مهما نردد من كلام = الناس قدام وحنا في سبات عميق
ناثق بمن شن حرب ولاعرف للسلام= نقول هذا اخونا والنعم خير الصديق

[نجم الإبداع]

يقولها العود ياشعار شدوا الحزام = غوصوا معه وانقذوا محبوبه الي غريق
ياعود هات العبر دام الهوى بانسجام= اطلق عنان اجتماعيات تطفي الحريق

[الطائر المهاجر]

يقوله اللي تفكر مدرك للبعيد = يعرف بانّ الذيابه حولنا تنتظر
وماصار للغير صاير عندنا بالأكيد= والنعمة اللي جنينا تنتهي في يسر

[نجم الإبداع]

سرى سرى الليل والساري تمنى السراه= سهران ماسره المسرور لو ماسرى
ضُبَيْ سمسم خفوقي وانزوى من سناه = ماسنه الفكر يوم الحب فينا سرى