قصائد كوميديه للطائر المهاجر

ههههههههههههههههه الظاهر ان هالرجال من عيال الملايين بس الجحوشي والكروشي حلووه على الإقطاعيين .

[يوسف الشقران]

وليه ماتعلم يوم انك اظفت الرد


بصراحه رد صاعق تسلم يالامير

بس اخاف انه علي قوله المثل اللي مايطول العنب


امتعتنا يالريس واسعدتنا


كن بخير دائما

[الطائر المهاجر]

لعنبو هالحظ ماني له خوي = من عرفته واقفٍ لي في خصامه
قلت تكفى... قال ما نيب بدوي = ما عرف النخوه ولا لي بالشهامه
قلت رزقي راح بيدين القوي= لو تردّ بعضه وتخصم للغرامه
من شريت السهم دحدر في الهوي= وانت يالمنحوس من دمر حطامه
آه ليتك رجْل لانصاه نصوي= واذبحه وافتك من باقي جهامه
قال لانّك يالمغفل مهتوي = من قرب للداب تلحقه الملامه
عارفٍ للسوق كالذيب يعوي = وتدخل رويسك بجحره كالنعامه
وفي النهايه اتقول حظي بالذوي= ويش اسوي لك مدام انك صتامه

[الطائر المهاجر]

رحت للمسجد ووافتني غزال = ماتكلم غير تشر بالاشاره
وقفتني واشرت يابن الحلال = لو معك قرشين ما فيها خساره
اشتري الوصفه فلا عندي حلال = والدي مرضان طايح وسط داره
قمت ادور في جيوبي لو ريال= فاتحٍ بوكي ودور في غباره
الطشت بوكي وراحت كالخيال= وطاحت الغطوه وتنظر في جساره
واثرها رجال في ثوب احتيال = ما درى بالبوك فاضي من نهاره
واجمع اللي طاح مع ركضه عجال= العباة ونعلته حتى خماره
واشتراهن واحد بسوق الشمال = هندي شحاذ يشكي من الطفاره

[صعبة المنال]

هههههههههههههههههههههههههههههه ههههههه
هههههههههههه مشرفنا العام
ترى تصير .. سبحان الله كانت غزال وصارت منك شارد
بس البوك ما فيه ولا ريال


صح لسانك ولا هنت
اعجابى دوم لك يا استاذى


صعبة المنال

[نجم الإبداع]

ههههههههههههه

الله يخلف عليك بالبوك يابو عبدالله

صح لسانك واضحك الله سنك

لاهنت

تقبل مروري وودي

[نجم الإبداع]

خخخخخخخخخخخخخخخ

ياسفاح

صح لسانك وفكرك ياستاذنا

تقبل مروري
وودي

يااااة والشعر الجميل والقصة الجميلة
لا فظ فوك ولا عاش من يجفوك وأجدت واغربت إذا خطبت

[الطائر المهاجر]

مشكور اخي محمد النهاري
وترى لك ترحيب في قصر الفطاحلة
تحياتي الطيبة

ياة على الشعر الجميل
لافظ فوك إذا شعرت وأجدت وأطربت إذا خطبت
وجزاك اللة خيراً