كشكول الأموره

[الأموره]

وقف وقل لي ياقلب ويش عناك=تراك مشقيني ولا نيب قاويك
بغيت انا افهم ويش بالدرب مشاك=وازريت انا افهم ما تبيت خوافيك
منتاب مرتاحٍ ولاشي ارضاك=كنك غريرٍ جاهل في مساعيك
مرٍ اشوفك ناضجٍ يوم القاك=ومر اشوفك دالهٍ في غناويك
ماظن شيب الراس ياقلب يقواك=ولاظن حتى القبر ياقلب يثنيك
مدري متى تصحى وتترك شقاياك=وترسي على درب يسرك وينجيك
البيض يسبنك على الشر برضاك=ياما خذن عقلك وضحكن بقافيك
فليا تغرك ضحكة السن بغواك=وليا يغرك لون فاقع بتشكيك
وليا تغرك كلمة الحب تسباك=فالبيض ياما في البلاوي توديك
فياما تضحك لك ويما تشناك=وياما تذلل لك وياما توطيك

للمهآجر ..~

[الأموره]

[الأموره]

[الأموره]

[الأموره]

[الأموره]

انت انسان مختلف

بكل ما فيك .~

[الأموره]

ڪل حلم داخـل خافقـي مُستهلـڪ
............من وين ألاقي حلم غير أحلاميے ؟!!
فڪرت أدوّر حلـم مايشبهـلـڪ
............يوم أنت تسرق خطوتي وأقداميے !!
كـل الـدروب بذمّتـي تندهـلڪ
............مايڪفي أنّـڪ تستبيـح أيامـيے ؟!!
أذڪرْڪ مرّه قلتلي : شف جهلـڪ..
............ودّاك وين ؟ وقلتلڪ : لاْوهامـيے !!
ياصعب بعضك وأڪثـرك ياسهلـڪ
............مثل الوجع في خافقي مترامـيے !!
مادمت حتى في شعـورك مُهلـڪ
............فدوة شعورڪ ضيقتي وآلامـيے !!
جالس أفڪر أسرقك مـن أهلـڪ !!
............مادمت تسرق راحتـي قدّامـيے !!

فلاح الغمآش

[الأموره]

[الأموره]

[الأموره]

ألا يا طفل لا تكبر كذا أجمل كذا أطهر*******كذا أحلى ليا صارت براءة طفل بشعوره
كذا يمكن اقولك انك تنام الليل ما تسهر****** كذا تزهر لك الدنيا تعيش بنفس مسرورة
كذا همّك ليا طالك يجيك الدمع يتعذر***** وتمسح دمعتك لعبه .. ولوح اسود وطبشورة
كذا شفتك وأنا أحاول احد الدمع لا يظهر*****أشيلك بين يدّيني وأشوفك داخل الصورة
كذا شفتك وفي عينك سؤال ٍ صعب يتفسّر***** سؤال ٍ شال من عيني دموع القهر مكسورة
كذا صرخة بدت منك ( أبي اكبر أبي أكبر)***** ألا يا ليت هالصرخة بقت داخلْك مثبورة
كبرت وجاك مطلوبك طموح ٍ غرّه المظهر*****كبرت وضاقت الدنيا وضاق الحرف وبحوره
كبرت وشمعة آمالك بدت تصغر بدت تصغر**** وتصغر داخلك حتى تلاشت عنك مجبورة
كبرت وماتت أفراحك وصارت بالشعر تذكر*** تردّد ما مضى قصّه لطفل ٍ ينتظر دوره
كبرت وأكرمك ربي وصرت الشاعر الأمهر***أو إنك شاعر ٍ عادي خذاك الكبر في نوره
كبرت وأوّل أبياتك وربي للأسف تقهر*** رواية للزمن لكن رواية كذب مبتورة
كبرت وداخلك قلبٍ على ما فات يتحسّر*** وضاقت دنيتك حتى بدت في شبه بلوره
بقيت أناظر الصورة وأنا راضي بما قدّر****إلهي وارتجي عطفه مدام إنا بمقدوره
ألا يا طفل مليته كبيرك للزمن سطـّر*****حروف ٍ ناجت الغيمة بكت وأقول ممطوره
ألا يا طفل وش حدّك تسير بدربك الأقشر******من اللي سيّر الخطوة وهي بالدرب معثورة
ألا يا طفل لو ناسي أبيك اليوم تتذكـّر***** براءة ماضي ٍ عشته طموحك لعب بالكورة
آلا يا طفل ذا ليلك يصيح (أرجوك لا تسهر)**** وأشوفك تسهره دمع ٍ بكاه الشعر بسطوره
ألا يا طفل دام إنك كبرت وخالقك أكبر**** دخيلك طالبك تكفى تعيش الطفل وشعوره
أبيك الطيش والفرحة أبيك الأجمل الأطهر*****أبيك إحساسك الماضي حياة ٍ دوم مسرورة
وربي ما نزل دمعي وجاني الشعر يتعذر****سوى من صرخة ٍ باتت بوسط الحرف مقهورة
لقيت إني أنا طفل ٍ أبيه اليوم ما يكبر***** لقيت إني أنا ( التايه ) صغير ٍ داخل الصورة