مساجلة التحدي بحرفين فأكثر ومن بدعك

[نجم الإبداع]

وراك ياعثمان ماتسعف الجار = منيع يرمي بالحصا وانت دكتور
خابرك كبتن ماتحداك طيار = ولا انت لاجل المال تشهد على الزور

[الطائر المهاجر]

منيع وضح كل خافي ومستور = وحبيت انقاذك ونططك للسطح
من بعد شفتك هارب منه مذعور = ولا عاد لك في هجمته قوه ونطح

[نجم الإبداع]

نطح الضـــواري مايقاويه مذعور = وبالبرد مايصلح لنا ناكل الجح
ذي ملحمه ينبت على جالها زهور= والشعر لو دققت خالي من القدح

[الطائر المهاجر]

قدح بوسط القلب لا برق لا نار = لكن مطر هتان مايطفي القدح
ومدح الرجل في غير حله ترى عار= ما يعرفه رجل تعود على المدح

[نجم الإبداع]

مدح الرجال احرى بمن يمدح الحور = يمكن لنفس المعتصم تعرف الصح
هذا علاج اهل الزمن وانت دكتور = والخوف لايعقب فلنتاين الفصح

[منيع]

صحح مفاهيمك الاصرت بلشان=ولاتركب الموجه ترى البحرخوان
بعض العلوم ودك تكفن بالاكفان=وماكل مايعلم نخليه نيشان

[الطائر المهاجر]

بلشان من قلبه رهيف وبه مشخ = ماتعرفه حتى يتكلم ببوحه
ولا من بدا بالاكل تسمع له الرشخ= الفكر مبحر في خفايا جروحه

[منيع]

يابوعبدالله
لم تلتزم بنهاية القافيه(نيشان) ا.. ن
وليه رجعت (حه) تراك ابلشتنا فيها وذا جبتها (ياليل ماطولك)

[نجم الإبداع]

وح هدها ماشفتها بالقواميس = والفكر نور ه من صدى حرف قرآن
الشعر متميز بكل المقاييس = عند الفطاحل يرقص القاف طربان

[الطائر المهاجر]

هذي ماهي مساجله ..ونا اخوك يامنيع
هذي رديه ومحاوره

القاف لامن انعكف ذيلها تحت = نقول رقعه بعد حذف النقاطي
واللي خطب فينا ولو يلبس البشت= ساعة هذر زادت علينا اشتطاطي