قصائد كوميديه للطائر المهاجر

قالوا نبي نعطيـك مابـك حسوفـه
عطوه طفسه عقبها صـار ينـداش
زاد الطلب في البيت ما من مروفـه
في ظنهم مقرش وللكنـز حـواش

قدمه ذيابه ما دروا عـن حروفـه
دامه بليا "واو" مـا طالـه فـلاش
فكر وقـدر بيـن ياسـه وخوفـه
وفي الاخره بالليـل للبـر ينحـاش

صح لسانك يالذيب انا اشهد انك كفيت ووفيـت وتسلم لنا يمينك على هالجزله 00

[الطائر المهاجر]

كيبورديه بين فتاة وامها وابيها ، وهي على لسان الفتاة

قلت ابعرس قالت امي ارحبي = عندي الرجال والم يالعنود
ولد اخوي الرجل والشهم الأبي= نادر مثله على كل الوجود
قلت غير اللي احبه ما ابي = "حبك ابرص" قالته تعلن حشود
وهاجمتني باللسان العقربي = كلما احاول اهديها تزود
ولد اخوك اللي تقولين ايهبي= لا معه شغله ولا ارجي منه فود
عاطل بطال يهوى الملعبي = ومن عرفته لا طموح ولا صعود
والمره يمه على اية مذهبي= ما تنومس دام ما معها نقود
الشهاده خذتها بعد تعبي = والوظايف دون "واوٍ" في جحود
ويش اسوي والزمن فيه الغبي= دام عنده ظهر يطمر للحدود
واللي حبيته وغاية مطلبي= راتبه خمسه وحمال البنود
ما يعيبه شئ من يومه صبي = ولا هو من وقف طموحه في جمود
اسمعي رأيي وقوليه لأبي = اقصروها ما ابي كثر الردود
"اخزميها" قالت امي بغضبي = ونادت الشايب وجانا في ركود
وبعد ماسمع اللي جرى قال اكتبي= من سمع لامك ترى ماطال فود
قلت من قبلك ابا اعرس يالظبي= كودها توافق وصكتني بعمود
هذي امك دوم تشكي ياركبي = ما بها إلا لسانها وكبر اللغود
تحسبنك مثل ابيّك ترعبي = لابتدت بالهوش وإلاّ بالصدود
اعرسي يابنت باللي ترغبي = دام رجّال ويوفي بالعهود

[بنت القصيد]

اعرسي يابنـت باللـي ترغبـي
دام رجّـال ويـوفـي بالعـهـود

اما شايبي يقول اعرسي باللي تبي <<

صح لسانك يالقرم
جزله من راس جزل
تحياتي
اختك بنت القصيد ............

صح لسااااااانك
مليوووون

يا دكتور لا تجيب طاري الزواج هههههههههه

كبيورديه اشبه بالخيال
بسيطه ومتواضعه
ولكن عن جد رائعه

تحيتي

هذي امـك دوم تشكـي ياركبـي
ما بها إلا لسانها وكبـر اللغـود
تحسبنـك مثـل ابيّـك ترعبـي
لابتدت بالهـوش وإلاّ بالصـد

صح لسانك يادكتور على هالتحفه وسلم بنانك وفكرك 000

هناك من يستطيع


ان يترجم القضايا الاجتماعيه بقالب فكاهي

وابداع يجعلك ترفع قبعه الاجلال له

استاذي المشرف العام


لله درك ودر فكرك


دمت بود

[مبروك بن ماضي]

استاذي النبيل : شاعر العثمانيات
ما أروعك عندما تصوغ القضايا الاجتماعيه
في قوالب فكاهية جميلة
هنا تشرفت بحضور حصة شعر
في مدرسة الطائر المهاجر الظافره
تفضل بقبول تحياتي واحترامي ،

ابو عبدالله

صح لسانك الى مالا نهايه

قصيده رائعه رائعه رائعه

تضل مبدع وتضل شاعر مميز

تحياتي وكل الود

[عيدالماجد]

اجمل التحيات لك شاعرنا وصح السانك مليون وتسلم على هالقصيده الجميله

[الصريح العتيبي]

أستاذي العزيز / أبو عبدالله

هكذا تكون الأبدعات وكلمة مبدع قليلة في حقك وستضل مبدع بأذن الله فألامام

" وقصر الأفراح جاهز " " والطب عندك"


ودمت .............. بخير