حرب المحاوره بين شعراء الفطاحلة

[نسناس الهوى]

اشوف الناس بالساحة وكل ٍ ماسك الخنجرّ = ونا وش حيلتي دامي صرخت بعالي الحنجرّ
ونا وش كاري يوم اني دخلت بمعمل مفجرّ = حروب المعركه ماني بها من علمها سنافي

[ابو زياد]

هلا باللي معه سيف شطير قاطع يبتر= يخادعنا عشان انه يجي داخل ولا ينظر
عسى اللي سخر المشرف لبوطله لنايسخر=حديد القول نلعبه مع اللي طبعه سنافي

[الطائر المهاجر]

انا اشوف ان البعض منكم على جال الغناء دحدر = وكل يطرب الثاني وخافه بالشعر يغتّر
بعد ماراح ابو طله غديتوا ورود في المظهر = ولكن ما بكم ريحه وابو طله ترى سنافي

[ابو زياد]

من اللي همته تبقى وهو قادر ولا يفتر=وابو طله يريح له ثلاث ايام ثم يمر
دوام حطنا عنده مع التوقيع فالدفتر=الى منا تفرقنا يجي و يقول انا سنافي

[ابو زياد]

انا بنشد عن الغالي رقيق الطبع والمعشر= خوي خوته تشرى وريف الجايع المظطر
فلاح اسمه وتعريفه ابن منشار للمغتر=ترى الخاطر معه محتس عساه بخير وسنافي

الله يرده سالم

[نجم الإبداع]

المشاركة الأصلية كتبت بواسطة ابو زياد

انا بنشد عن الغالي رقيق الطبع والمعشر= خوي خوته تشرى وريف الجايع المظطر
فلاح اسمه وتعريفه ابن منشار للمغتر=ترى الخاطر معه محتس عساه بخير وسنافي

الله يرده سالم

هلا يابو زياد ارحب عدوك ياعساه الشر= كرمكم يخجل الظيفان جانا وبله الممطر
ولكن ياخويي كيف اسوي والجهاز احتر = ولا عندي حساسيه وتسلم بيننا سنافي

[الطائر المهاجر]

جهازك يافلاح احتر لأنك قاسي المعشر= ترى الكيبورد لمسات ولاهو بالرجل يدفر
وغيابك عارفينه يوم ما طاردت للأشقر= سبى عقلك وضيعت الطريق ولوّك سنافي

[ابو زياد]

يابن منشار وش ضنك بمشرفنا بدا يسخر=يحسب انه على الحبلين بيقدر لوبغى يطمر
وانا اعرفك قوي الباس وعزمك للظهر يكسر=فصدها لاتمشيها ورد الطير ياسنافي

يالله حي ابن منشار لك فقده

[الطائر المهاجر]

اشوفه غرد القيطون واخاف الذنب مايغفر= بدا ينفخ فتيل الحرب كنه راعي البنشر
مدام إن الأسد غايب فغن الليل يا لازعر = الين إن الفجر يطلع ولا تحتاج لسنافي

[نجم الإبداع]

حياك الله يابو زياد

نعم يابو زياد العود بعض احيان يتبطر = وانا ماودي اوريه سيف ان كان هو عنتر
على خبرك وصدقني سلاحي مابعد عشر= من افكار الحطئه والفرزدق وانته سنافي