أبوأنس/الشرقي .. والقوافي المشبوهة !!

[الشريف الشرّقي]

أهلا
علم الله ياصديقي انني حاولت الرد في الحين ولكن لم استطع .. لا زالت أبياتك شاخصة أمامي ولكن " ماباليد حيلة " هذا سيفوه وهذي خلاقينه ‍.. نفسي قصير مثل الهونداي

هلا باللي كتب زين المعاني = على الصفحات مثل الورد جَنّي
يقول : الرمش لا سلهم كواني = سهومه وسط قلبه ترجهني
تفضل دوك علم ( الاصفهاني ) = من الأحبار لكن فيه جني *
قرا المسند وطقطق بالاغاني = وله في كل فن الفين فني **
تقدم ياسعد وقف مكاني = وناظر في عيون الناس عني
ودقق بالنظر ساعة زماني = تشوف عيونهن مثل الهبني
وتصير العشر في لحظة ثماني = على ماقال ابن هادي (غدني)
وابن لعبون صاح وماكفاني = " وادق من الندم بالعود سني "
حقيقة والعمر ياصاح فاني = ولو اني بجيب العيد .. كني
أنا - والله - مالي بالغواني = ولا أذكر ياسعد فيهن فتني
سوى عقلٍ يجيب العلم ثاني = أنا هذا مرادي والتمني
تفكر بالرفاع وبالطماني = خذ المضمون يامشكاي مني
ورب البيت والركن اليماني = بشخصك ياسعد ماخاب ظني

* بسم الله الرحمن الرحيم .
** كتاب الاغاني لأبي الفرج الاصفهاني .

[ابو أنس]

سلام الله على الشرقي سلام(ن)=عقب طولة غيابه زاد شوقي
على فلتات يطلقها كلامن=على صعب القوافي والطروقي
وفـ..اغراض الشعر واثق وضامن=عليه ابحورها ماقط تضيقي
ابااسلم سلام(ن)قد تزامن=مع العيد ونبي وعد التلاقي

ياسلاااااااااااااااااااااااااا اااام ..
ابو أنس / الشرقي ..
ثنائي ولا أجمل ..
فكر راقي .. وأخلاق عاليه ..
سلمت براجمكما من الاوخاز ..
تحياتي ,,,,

[الشريف الشرّقي]

المشاركة الأصلية كتبت بواسطة ناصر القزلان

ياسلاااااااااااااااااااااااااا اااام ..
ابو أنس / الشرقي ..
ثنائي ولا أجمل ..
فكر راقي .. وأخلاق عاليه ..
سلمت براجمكما من الاوخاز ..
تحياتي ,,,,

مرورك أيها الباذخ أدبا وفضلا وعلما .. وسام من الطراز الرفيع !

لا حُرمنا إطلالة حرفك البهي .

[الشريف الشرّقي]

سلامٍ مرتفع ماهوب طامن = نكزه مع سنا لمع البروقي
وينزل فوق دارك وأنت وامن = يداومها شهر ماهو سروقي
ولامنه سقى شقرا تيامن = وسند واخضرت ذيك العروقي
من الربلة تشوف الذود سامن = عليها من جدا المعبود طوقي
وجيتك ياسعد في يوم ثامن = وكشتنا بالحرار وبالسلوقي
ونفجنا الريم يوم الريم كامن = تحت بيت الشَعر والقلب لوقي
قل له ياسعد شاري وضامن = صديقي يالصدوق ابن الصدوقي *
وسلمه الرسالة : مِن إلى مَن = من الشرقي إلى الترف الشفوقي

* أي أنا أباأنس سوف يكفلني (كفيل غارم) ليس لدى الجميح ! بل عند الترف المليح

[نجم الإبداع]

الشريف الشرقي
ابو انس
واصلووووا هذه الملحمه الراقيه
اتمنى لكم التوفيق

تحياتي
وصادق الود

[الشريف الشرّقي]

المشاركة الأصلية كتبت بواسطة فلاح بن منشار

الشريف الشرقي
ابو انس
واصلووووا هذه الملحمه الراقيه
اتمنى لكم التوفيق

تحياتي
وصادق الود

في السنة عيدين وهذا الثالث
لقد أعاد مرورك لهذه الصفحة روحها أيها الحبيب !

دُمت أخا غاليا .

[ابو أنس]

عذرا أيها الفاضل . فقد الهتنا كثرة المشاغل
وان كان لقاؤك ماتع ولست لك بمنازل
ولكني بعد التماس العذر الأول التمس آخراً ان كان ما ستقرأ لايرقى الى المأمول

انا لاشفت قيفان اطربتني=تحرّك خاطري وازداد نبضي
تفرح خاطري لامن لفتني=من اللي عندهم للدون رفضي
بيوتك يافهد حيل اسعدتني=لجل فيها وعد لو كان لفظي
عسى وبل السحايب دوم هتني=يسيّل دارنا طول(ن)وعرضي
ويعشب كل شعب وكل حتني*=تربّع دارنا ويزين حظي
ترى بيوت القصيده بشرتني=بوعد(ن)والوعد في الدين فرضي
وانا لك يابيض الأثنين*ابا اتني*=وابقضي حاجتك بالحيل اباقضي
وانال ابك الشرف لاشاورتني=واعزمّها واجزمّها والظّي*
وانا لك كافل(ن) غارم حدتني=سجاياك الذهب ماهيب فضي

وعذرا على الخلط بين الضاد والظاء
فقد اجتمع مع العجز انشغال

* حتني ـ مكان او موضع
* الأثنين ــ القلب والوجه
* ابا اتني ــ انتظر واتحرى (لهجة في نجد)
* الظّي ــ أشدد في طلبها الموافقه

[ابو أنس]

وين الغياب وقد قضت عطلة العيد=والسيف ماله متعت(ن)مع هوى البرد
حيثه قفر مايقربن جاله الغيد=ولاتمشن به وذرعانهن جرد

[سناعيس]

يجيك وين يروح لو يقطع البيد=حيثك رفيق له بالأشعار لك سرد
هذا الشريف اللي له القاف تحديد=يخضع له بطوعه بلا سيف أوفرد
يابو أنس ياشوق امورد خديد=بنت تخلي من لحظ زينها قرد
الله يجمعكم على الخير ويريد=وربي عسى ماتنقطع متعة الرد