مساجلة التحدي بحرفين فأكثر ومن بدعك

[الطائر المهاجر]

اكك اللعب ولا تنسى.. نوفر حكم = فالجماعه نوونا ما نبي سردحه
واشكم الخصم كانه ناوي بالشكم = او تسند على المركى على المطرحه

[نجم الإبداع]

رح هداك الولي فالك ياشيخ الشحم = لايهمك خويك عندكم مطرحه
بالقوافي نسري ليلنا والحكم = بين خلاننا ماهي لنا مشرحه

[الطائر المهاجر]

رح هذي قديمه وابدلوها بقوه = والبعض لو كتبها جهز الممسحه
وقوه هذي فرنجيه وتشبه لكوه = بين ديرة واخرى مابها ممزحه

[نجم الإبداع]

زح همومك ومشيها على كل حال= دام مابالقلوب الا هوى وانشراح
خل كوه وقوه والمرامي الثقال = نتبع القافيه ونحب منك المزاح

[الطائر المهاجر]

اح.. تعكس شعورك لاكواك الفرن = دامك ارفل فخل الطبخ حق المره
او كله ني لاتخشى يصيبك درن = عظمتك ترتكي لو تروح اسمره

[نجم الإبداع]

مرها حلو والغارات فيها شجن = والقوافي لها ياصاحبي زمجره
دام الارفل يشوف ارفل فقلبه وطن = وين ماجا ترى رجلينه مكسره

[الطائر المهاجر]

جرهم اللي تعلم منّهم جدنا = كيف ينطق بحرف الضاد ما عثره
وانت اشوفك تحيوص خايف مدنا= قبلك اللي توهق وانتهى بعثره

[نجم الإبداع]

نثره والمواني للوفاء عندنا = سيف بن ذي يزن من بالعرب ينكره
ذاك عدنان يومه جاء شرب ودنا = ياصلاتي على احمد كبك البعثره

[الطائر المهاجر]

ينكره من عرف قحطان قبل اليمن = وقبل ماارض الجزيرة تبتدي في الظهور
يومها بحر هادر من شمال لعدن = جاء من الهند جايع بعد قطع البحور

[نجم الإبداع]

حور في جنة الرحمن عقب الكفن= والتكبر مصيره يومها للثبور
وين فرعون يومه بالعلو انفتن = جثةٍ هامده عبره لكل العصور