ناصر القزلان والصوره

[الطائر المهاجر]

زينها صورتك ملفوف بعبايه = والعيون الزغر من خلف الحجاب
يوم ضحكت لك وقالت يامنايه= استمر بلبسها كمّل نصاب

توني ياعود في قمة عطايه = مايضر الشمس تكوين الضباب
عزتي لك صار بالرجل التوايه = لاحنيس ولا ونيس ولا زهاب

[الطائر المهاجر]

ورحت معها يومها تلبس ملايه = ومحد يدري من سبيكه من رباب
خايف من اهلها مابك عبايه = لزم تاصلها ولو طالك عقاب

خلق ربي لاتسويها خطايه = والوسامة لاتعيب ولا تعاب
دامني طيـّب ولي بالطيب غايه = مرقدي ياشيخ في متن السحاب

[الطائر المهاجر]

كود تذكر ما مضى واجمل روايه = يوم تعطيها الصور مثل الصحاب
وخذتها منها اخاف من النوايه= خوف تفضح صاحبي بعد الإياب

الملايه علمها في كل طايه = ياصباح الخير ياحضرة جناب
المكرم صاحب العشرين آيه = جاك مكتوبي وعجل بالجواب

-------------------
الطايه ..يعني السطح عند اهل نجد

[الطائر المهاجر]

ما تبي تذكر ولا تسمع ندايه = التهرب ما يعدّل للعياب
لكن الصوره معي واحفظ وصايه = من عطى للبيض صوره في مصاب

كذبة التاريخ تكشفها الروايه = وانت بالتزوير لك سبعين باب
رحت لامريكا تعلمت الجنايه = غربي التفكير شرقي الثياب

[الطائر المهاجر]

كيف تنسى وانت من وصل ل "بتايه" = وتترك الآثار تحكي للصواب
عند وحده تحترف درب الجنايه = باعت الصوره ولحقت بالركاب

[نسناس الهوى]

هواش شياب ههههههههههههههههههه
يالله حسن الخاتمه
والله ماش قمتوا تنبشون الماضي
الله يوسع صدوركم .. وصحّت اقلوبكم (: