( الـــقـــلــوب ** الـــســــود !! )

محمد العسكر ..

وملحمه اخرى من ملاحم الشعر الجزل والقصائد الرائعة ..

ابداع متجدد كالنهر , ومخزون لفظي لاينضب في تفكير رجولي راقي .. هنيئا لنا بك أيها الشامخ ..

لافض فوك يامحمد .. صدعت فأسمعت وأمتعت من كان حيا ..

هنا نقف على عتبة الشموخ ونقرأ عناوين الابداع المنثور على جنبات الطريق ..

كيف لا ومحمد العسكر هنا ؟؟

هنا وهنا وهنا فقط يحلو السمر ..

دمت شامخا كما أنت ..

[صوت الإحساس]

يالطيف يالعسكر
لو جيت بأوااااخر العصر الأموي


عهد الفرزدق وجرير غلبتهم بالهجاء


الله اكبر قصف جوي


الله لا يجعلنا عرضه له بأي حال من الأحوال




بيض الله وجهك


حضور مبهر برغم قساوته النابعه من مراره تكاد تكسو المكان



صادق الود

[الطامي]

العسكر
صح السانك وبنانك
جزلة من جزل
لافض فوك يالغالي
شكرا لك ولانت عيني

[عذب القوافي]

المشاركة الأصلية كتبت بواسطة محمد العسكر

من دون مقدمات

لصارت نفسك عزيزة

عليك لا ترضى


لأحد ٍ ان كان اعلى منك ان

ينتقص منها

فكيف الحال

اذا اتت ممن هو دونك

؟؟؟؟

.
.
.

ويظل احترام الشخص

للاخرين من اسمى معاني

الاسلام وانبلها

والعكس صحيح

فاتت هذه القصيدة
.
.
.
.
.
.
.
.

حاولت اصور واقع الناس بأبيات = من شاعر ٍ جزل القوافي جمعها
تصوير واضح مابها أي شكات = وعسى المقاصد تاصل اللي سمعها
لقيت بأصناف البشر فرق وشتات = ما تتفق سبحان رب ٍ بدعها
منهم كريم النفس بالمال والذات = نفسه على طيب المراجل ولعها
دايم وله صوله وطوله وجولات = كرامته عن كل واطي رفعها
لامن حضر كل الشدايد سهالات = من ساسها لاطولت يقتلعها
ثقيل ما يجرف بكثر السخافات = ماهو من اللي لاتمادت بلعها
يصبر وعنده للاوادم مقامات = حكمه من اللي بالحنايا زرعها
ماتجرحه كلمه وراها تفاهات = ولاكل عوجا لالفت له تبعها !!
يدمح مع الزله امور ٍ كثيرات = لكنها باحيان ما يتسعها ..!!
ياطا عليها بالقدم منه لاجات = ان جاه من روحه بنطقه ( وضعها )
وبعض البشر عقله ووضعه سماجات = ولايدري انه مبعد ٍ عن سنعها
( شذابت المقفين ) روس الخطيات = لو دينها ظافي عليها ردعها !!
عريان لو لبسه من الثوب طاقات = الاجرب اللي لالبسها جبعها
ماله بفعل الخير سمعه ورايات = وخطاه عن درب الردى ما منعها
واضح وضوح الشمس مابه مراوات = بالبصمة اللي في جبينه طبعها
هذاك ما تكفيه كيّه وكيّات = مثل ( ؟؟؟؟ ) اللي تحرى .. دنعها
ماقدر ( الخوة ) ولاله رفاقات = ( عقرب تبن ) لو ذيلها ما لسعها !!
سود القلوب اللي لها الف نيات = الله كريم اللي كشف لي جزعها
ومدامت الخطوه تجر المتاهات = خله يصالي حرها من بدعها
ضايع فكر لو طال عمره خرافات = من وين ما جت له بوجهه قبعها
ولو شالها بالصوت ماله مناجات = حاله تزايد مع بلاها وجعها !!
اجبن من اللي همها بس صبغات= اللي تمايل بالطرب من دلعها
مابه مواجه بس تلميح شارات = زحول الرجال ان جالها ما سبعها
اطلق لسانه ماحسب للحسابات = يقصر عن الشينه لو انه ربعها
ومدامه البادي بشر البدايات = بيده علاقات الاواصر قطعها !!
ولاني انا العايل ولاهي نهايات = غيض النفوس اللي نساها ورعها
كتبت ما كنيت عبره بالابيات = والسيئة ذنب ٍ على من شرعها

.
.
.

شعر / محمد العسكر
وللجميع فائق الود والتقدير

المبدع والجزل / محمد العسكر

قصيده تكتب بماء الذهب وهذه حقيقه ليست

مجامله

حكم كثير ا ً مايحتاجها الناس في هذا الوقت

الغريب

صح لسانك أبوعبدالله

سعدت هذا الصباح بقراءة جميلتك

تقديري

أبوابراهيم

[يوسف بن صالح]

محمد العسكر


صح الله لسانك

وافية من وافي

عزة النفس حاضرة هنا وبقوة ..



لاعدمنا هالحضور المتميز

[منصور العبدالله]

اجبن من اللي همها بـس صبغـات
اللي تمايـل بالطـرب مـن دلعهـا

مابه مواجه بـس تلميـح شـارات
زحول الرجال ان جالها ما سبعهـا

اطلق لسانـه ماحسـب للحسابـات
يقصر عن الشينه لـو انـه ربعهـا

ومدامـه البـادي بشـر البدايـات
بيده علاقات الاواصـر قطعهـا !!

ولاني انا العايـل ولاهـي نهايـات
غيض النفوس اللي نساهـا ورعهـا

كتبت مـا كنيـت عبـره بالابيـات
والسيئة ذنب ٍ علـى مـن شرعهـا



روعه معتاده


لكنها غيررررر هالمره

دائما ما يطلق هذا الغريد رصاصات العذوبه والورد من لسانه

وهنا اطلق رصاص الغضب لمن يستحقه فعلا

كان شامخا و جميل وعذب حتى بطلقاته الناريه

هكذا هم الكبار

وهكذا هو محمد العسكر

صح لسانك يابو عبد الله الابيات التى اخترتها بمرورى ليست الاجمل

القصيده كلها جميله وفكرتها الاجمل

تحياتى لقلبك

[عبدالله المسعودي]

محمد العسكر ..؛
صح لسانك وعلا شانك ..؛
لاهنت ..؛

[حوريه]

صح لسانك مليوووون ولا يكفون

روووعه... يعطيك العافيه ولا هنتـــ .....

يصبـر وعنـده لـلاوادم مقامـات
حكمه من اللـي بالحنايـا زرعهـا
ماتجرحـه كلمـه وراهـا تفاهـات
ولاكل عوجا لالفـت لـه تبعهـا



الله الله يامحمد


مبـدع في كل حالاتك



مليااااار صح لسانك يالجزل



لاهنت




إحترامي

[محمد العسكر]

المشاركة الأصلية كتبت بواسطة سعيد الصاعدي

وبعض البشر عقله ووضعه سماجات = ولايدري انه مبعد ٍ عن سنعها

( شذابت المقفين ) روس الخطيات = لو دينها ظافي عليها ردعها !!

عريان لو لبسه من الثوب طاقات = الاجرب اللي لالبسها جبعها

ماله بفعل الخير سمعه ورايات = وخطاه عن درب الردى ما منعها


الاخ الفاضل/ محمد العسكر
صح لسانك لاهنت
بيض الله وجهك على هذه الشامخه
تفبل تحياتي وتقديري
أخـــــــــــوك
س / ص

هلا وغلا تشريفك

اعتز به

ممنون لروعة الحضور