لبس راشد(الحافي)في الملقاء يهد الخصيم

[داعي الشوق]

تسلم عيونك وتسلم يا شبيه الحسام = ابشرك في عوضها وانت عندي مقيم
بذبح لكم تيس واعزم جارنا بو حسام = ايضا الفطاحل وكل اللي يجينا حميم

وعذرا على التأخير في الردود لضرف تسبب في ذلك ،،،

[منيع]

متابعين
لهذا الابداع
تحياتي

[نجم الإبداع]

اهلا بكم جميعا

يشرفنا حضوركم

لاعدمناكم

سلمت يامكرم الضيفان فردي وعام= يالوجه الابيض فلا لي حق مانته غشيم
انس الذي صار وانس الصقر لو جاء وحام= لكن شعب الفطاحل عدة اهل الرقيم

[سياف القحطاني]

عاشششششششششششششششششششششششششششش ششششششششششو

[داعي الشوق]

يا فلاح أنت شاعر خطوتك بإنتظام = لك رساله ومعنى يحتويها الصميم
زان بيت نظمته بالحروف استقام = اشهد انك وزنته وسط بحره يعيم

[نجم الإبداع]

المشاركة الأصلية كتبت بواسطة سعود بن سعد الحافي

يا فلاح أنت شاعر خطوتك بإنتظام = لك رساله ومعنى يحتويها الصميم
زان بيت نظمته بالحروف استقام = اشهد انك وزنته وسط بحره يعيم

ياسعود ان طغى بحر القوافي وزام =ناتعلم ومانقسى على اللي غريم
استفد والتجارب بالفطاحل عظام = وان اعدت النظر في القافيه تستقيم

[داعي الشوق]

كان عندي قياسٍ وأتطلع امام = مير بعض القياس إنعاق والله عليم
ليت نلقى جوابٍ عند رجل تمام = ونتناول مسايل مثل سين وجيم

[نجم الإبداع]

صح لسانك ياسعود

استلم لاهنت

انت شاعر ومايخفى عليك المقام=والموازين لو طورقتها تستقيم
احتكاكك مع الشعار ينهي المهام=وانشد العود يعطيك الجواب القويم

[داعي الشوق]

ترى البنادم غشيم لو يحوش العلام = لو يقول إنه أدرى من جناب الحكيم
والعود يبقى عزيز من رجال حشام = هو ريادي ومرجع جعل عمره يديم

[نجم الإبداع]

صح لسانك ياسعود

لنا لقاء اخر انشاء الله على الود

لاعدمتك