كثر ما لا يعلمون [ جديدي وإطلالة أولى ]

[منسي]

هلا ومرحبا بك

جزاله وابداع
صح لساتك وقلبك
ولاهان راسك
اطيب تحياتي

[المتابع]

اطلعت على نص جيد
من شاعر متمكن
صح لسانك
اطيب التحيه

[الخنساء]

المشاركة الأصلية كتبت بواسطة بدر الدخيل

بسم الله الرحمن الرحيم ..


اللهم صلي وسلم على سيدنا محمد وعلى آله وصحبه وسلم ..


[ يقال : من لا يشكر الناس، لا يُشكر ]


لذا يمتد شكري أمدا ً للأخ والشاعر المبدع / عدنان الكريزم ..


أتى بي [ هُنـا ] لأستظل بكم حرفا ً ومعنى !!


وأقطف من بساتينكم ما لذ وطاب ..


أقبلوني وأقبلو هذه المتواضعة التي تخطب رضا ذائقتكم ..

.


.


.

[ مدخل ] ..



آه ياني حيل احبَّك ..


حيل أموتك ..


حيل اذوبك !!


دوم ابعِّد عنك صوبك ..


واكتَبَك في كل ضيقة ..


وأحلف انّي راح اتوبك !!


وما اتوبك ..


واحلف انّي راح ابيعك ..


وراح اصد وما اطيعك !!


بس من تطري ف/ بالي ..


قبل ما تطري اضيعك ..


ويوووووه ..


ياني حيل احبك !!

آه / ياني حيل [ احبَّك ] كثر ما لا يعلمون=وكثر ما لا يعلمون [ أذوب ] / ليتك تعلمِــين
وآه / ياني حيل ضايق [ حيل ] وأنفاسي دخون=تختلج صمت الرماد وتنبش الجمر الدفِـين
وآه / من حدَّ انتهاك الطــُهرْ ل ِ/ اغـْواء الطعون=من كفوف الطيِّبين أليا صْدور [ الطيِّبــِين ]
وآه / يا طول المسافة بين شكك والظنون=ما بقى فيني أَسَفْ يقنعك يا العذر السمِين
وآه / يا جرح ٍ يمون / وجرح عيّا لا يمون=لا حَـلــَفْ جرح اليسار / استغفره جرح اليمِـين
كل شي يهون / بس أرجاك دمعي لا يهون=دمعي اللي علَّم العشّـاق وش معنى الحنِــين
دمعي اللي يختصر حزن المدامع والعيون=دمعي اللي كبر تنهيد الليالي والسنِــين
دمعي اللي بلل أوراق المواجع والغصون=دمعي اللي ل/ استواني شوق جيتي تقطفِــين
دمعي اللي ينتثرني ضيم واكتبني [ جنون ]=دمعي اللي كثر ما خطـَّيت وأنتي تمسحِــين
دمعي اللي يا أكون اليوم وإلاّ ما أكون=دمعي اللي يا تجين اليوم وإلاّ [ ما تجــِين ]
ل ِ/ متى وأنتي عذاب الروح يا الكاس المَنون=أشربيني يا عساي أموت والله المعِــين
أشربيني يا عساي أموت ملـَّيت ال/ [ بدون ]= يا بدون احساس / أيَّ احساس !! دامك تكذبــِين
والله انّي غير امرَّك غصب يا الطـَّـرْف الحنون=ووالله انّي غير اشمَّت فيك كل العاذلِــين
ووالله انّي غير اذوَّقــْك الغلا طعم ٍ ولون=ووالله انّي غير اليَّن فيك شيٍّ ما يلِــين
ووالله انّي غير افج الزَّور وآدِكْ الحصون=ووالله انّي ل/ اتمركى بين رمّـان ٍ وتِــين
ووالله انّي للمحبَّه والهوى اطيب زبون=من دفع كثري على لاماك كانك تذكرِيــن ؟؟
ايه احبَّك .. والعشم سود الشوارب والدقون=ايه احبَّك .. [ طيش ] وش عندك ؟؟ تبين / أو ما تبــِين
ايه احبَّك .. هو يرد الجوع شرهات الصحون !!=ايه احبَّك .. ما حسبت حساب يومك [ تحْسَبــِين ]
ايه احبَّك .. وادري ان الليل للخالي سكون=بس انا مانيب خالي كود من عقل ٍ ودِيــن
عقلي اللي ضاع ما بين الردايف والردون=وديني اللي في رجا المعبود رب العالمِـين
وآه / آه / آه / آه .. كثر ما لا يعلمون=وكثر ما لا يعلمون أموت / وادري تعلمِــين

[ مخرج ] ..



آه يا م/ اصْعب جفاك ..


الف جرح ولا كفاك ..


وألْف ليلة ..


وألْف شوق بداخل ضلوعي ..


واشيله !!


وما وفاك ..


شفتي وش كبرك بقلبي ؟؟


شفتي وش قلبك ؟؟ وقلبي !!


كثر ما يضماك صدري ..


وكثر ما ضيَّعت قدري ..


وانتي تعطيني قفاك !!


وما كفاك ..


ويوووووه ..


ياني حيل احبك !!

بـ وَجَــعْ / بدر الدخيل ..




.

.

صح لسانك مليون ولايكفون

قصيدة جزلة ترجمت روعة الاحساس

وصدق المعا نى ابداع وابداع

سلمت ودام بوحك الرااائع

[الطائر المهاجر]

ترفع لمزيد من الردود
التي تستحقها
صح لسانك
ولا هنت
تحياتي

[بدر الدخيل]

المشاركة الأصلية كتبت بواسطة الطائر المهاجر

هلا ومرحبا بك اخي الفاضل بدر
في محلك وبين اخوانك وربعك
مصافحة جزلة من راس جزل
صح لسانك وفكرك
ولاهان راسك
مع أطيب تحياتي

د / عثمان العبدالله ..


المكان منوّر بأهله يا الغالي ..


صح قلبك ولا هنت ..


شكرا ً لحضورك الوارف !


تحياتي //

[منيع]

ايه ده الجمال
مااروع حرفك به عمق وبساطة وتجديد
دمت رائعا ومتألقا
تحياتي وتقديري

[الطامي]

الخيل
صح السانك ملايين
ابداع بفن لافض فوك اخي
شكرا لك

[الـزلـزال]

بدر الدخيل
مصافحة راقيه ومميزه ومتقنه
من شاعر متميز ورائع فيما قدمه لنا
أبدعت شاعرنا وطاب لي المكوث بين حروفك الرائعه
صح لسانك ملايين ملايين
ولك فائق تحياتي وتقديري

[عبدالكريم العياش]

اهلا بالشاعر / بدر الدخيل
تحية واحترام
قصيده رائعه تحمل نفحات من الصدق ومن النزف الحقيقي وألامل .حقق الله امانيك انشاالله وبلغّك مقصدك وتقبل تحياتي .

أحسنت أخي العزيز/بدر الدخيل أحسن الله إليك

شكرا لك سيدي الكريم على إتحافنا بهذه الرائعة

صح لسانك ، وبيض الله وجهك ، ولا فض الله فاك

دمت بسلام وسعادة وحب وألق أيها الأخ العزيز