ياطير يامهاجر بدون الجناحين

[نجم الإبداع]

هات المخبى ودنا نقضي الدين= واكشف لي اوراقك وكثر بالالحان
شتان بين القسوه ياصاح واللين=الطيب يبقى والردى فيه خسران

[الطائر المهاجر]

خابرك ديّان ورصيدك ملايين = وانا فقير الحال بالحيل طفران
اد الزكاة وخل بالسهم سهمين = تراك راحل مثلما راح هامان

[نجم الإبداع]

الرازق الله وانت تطلب ريالين = وش فيك انا مخلوق يالشيخ عثمان
خل استباقيات سبعه وستين = مابي سلف لو كنت ياعود شبعان

[الطائر المهاجر]

تدور عذر معذور والعذر عذرين = عذر الخساره في تداول .. فلاكان
وعذر البخل مرفوض عند الكريمين= فانته كريم وترفع البخل نيشان

[الطامي]

وعاشوا
صحو السنتهم
ترانا محايدين
على قولة البدو (( يتراب حارش بينهم ))
ههههههههههههههههههههههههه
يقولون ؟؟ الصخرة الصماء مايكسرها الا اختها
صدقو العرب

[نجم الإبداع]

ماني كما حاتم ولا انت ابن سيرين=ودك بنصبه تحسب الجيب مليان
تقول عندك يغدي القرش قرشين=في سوق الاسهم صورتك جنب الاعلان

[الطائر المهاجر]

موظف عندك خدعته بوعدين = وانحشت عنه وما درى فيك إنسان
وغيرت اسمك مع جميع العناوين= واصبحت تعرف عندهم بيه فلحان

[راجي الحاج]

ههههه

معقول يبن منشار عملتها

[نجم الإبداع]

اهمالك الي ضيعك يابو لونين= وكثرة غيابك والدوام انت كسلان
تقول كيف العيش والراتب الفين=قلنا لك اصبر وانت عييت تزدان

[نجم الإبداع]

هههههههههه ارحب ياراجي