ساحة الخير

[سناعيس]

الله الله
اشهد انك تزلزل الحروف يالزلزال
صح لسانك ولله درك

تحياتي

[الخنساء]

صح لسانك اخى الشاعر سامي

لاهان راسك قصيدة رائعة

سلمت وسلم شعرك

[سعيد الصاعدي]

المشاركة الأصلية كتبت بواسطة الـزلـزال

بسم الله الرحمن الرحيم

هذة الخاطره من جديدي المتواضع

وكل الأماني أن تنال على القليل القليل من رضاكم

( ساحة الخير )

الله يقويكم على حمل الأثقال = والله يقوينا على اللي جميله
هذا الزمن طبعه يجينا بالأحوال = أحوال سيده مير تاتي بميله
والكل غنى يم دربه بموال = يمكن عسى يشفى بعدها غليله
صمنا وجانا بعد هالصوم شوال = وقام العميل اليوم يكوي عميله
ماعاد ندري ... قاتل الخير قتال = وإلا يدور كيف يهنى زميله
الكل همه بس يجمع للأموال = وعشان حب المال ينكر خليله
تجمعوا في ساحة الخير عمال = وقام المعلم قام يلوي بذيله
لم الغنايم قام يهتف برحال = ومع الرحيل المر يشكي هزيله
خلى البشر مابين ضايع وفوال = والي سلم يادوب يعرف دليله
الوقت قام الوقت ينخل بغربال = وش عاد باقي للبشر وش بقيله
لا عز لا هيبه ولا جمع للمال = والفقر صار الفقر نسمع صهيله
الموت جاي الموت يمك يالأجيال = أن كان ماحن الدخيل لدخيله
أدري علوم الغم جتكم بالأهوال = منها قلوب الخلق صارت ذبيله
ياليت مايطري على البال ينقال = أن كان ماحوم علينا هبيله
ولالقينا في ثراء الخير محتال = ينهب وعقب النهب يخلى سبيله
لكن عزوتنا ملكنا لنا ظلال = صقر العروبه كيف منهو يجيله
الصقر راعي الطيب دكاك الأحمال = راعي الوفاء والحب راعي الصميله
مدام عايش لاتشيلون الأثقال= بيشيل عنكم كل شيله ثقيله

الاخ الفاضل / الزلزال
صح لسانك لاهنت
نص شعري راقي جدااااا
من شاعر متمكن
تسلم مليون مرة ياسامي ولاهان غاليك
تحياتي
أخــــــــــوك
س / ص

[مبروك بن ماضي]

الشاعر القدير/ الزلزال
اسم ليس غريب على الابداع
شاعر دائما مبدع هنا وهناك
سعدت وتشرفت هنا بمصافحة هذة الباسقه
ولا املك غير تسجيل إعجابي
مع اطيب تحياتي وتقديري ،

[الـزلـزال]

صوت الإحساس


كم هو جميل أن أشاهد أسمك في متصفحي


تقبل شكري وتقديري على تشريفك الطيب

وعلى تعليقك


وتعظيم تحيه وافيه لشخصك الكريم


دمت بخير

[حي الضمير]

الرائع الزلزال صح لساااانك مدد
ابدعت حيل بارك الله فيك
بهذا النص الجزل
سجل الاعجاب والتقدير الدائم

[هاجس نجد]

الشاعر القدير / الزلزال

صح لسانك واعتلى شانك

ابدعت بهذه الرائعه

وهذا هو الحال فعلاّ

دمت بهذا الابداع والتألق

تقبل تحياتي وتقديري

أخــــوك

هاجس }{ نجـــــد

[الـزلـزال]

الأموره


يشرفني ويسعدني مرورك الكريم

شكرآ لك من الأعماق على تشريفك وعلى ردك الطيب غاليتنا

وصح بدنك ملايين ملايين


دمتي مرتاحة البال

[ماجد الزيد]

الصقر راعي الطيب دكاك الأحمال
راعي الوفاء والحب راعي الصميله
مدام عايـش لاتشيلـون الأثقـال
بيشيل عنكـم كـل شيلـه ثقيلـه


صح الله لسانك وجاد بنانك

[الـزلـزال]

عبدالكريم بن خزيم


صح بدنك غالينا


حضور ورد وافي ومشرف من وافي


شكرآ من الأعماق على تشريفك وعلى ردك الطيب

دمت بخير