تعال وكمل الأبيات

[الطائر المهاجر]

لاجاك قابض ما نشدك السؤالي = لو انت ورع ماتعدى السنيات
والشيب ماهو مشكلة ياحلالي = المشكلة لاصار راسك مطارات

[الطامي]

كنك تشوف لحالتي وما جرى لي = الراس وسطه صار خط وملقات ( 1)
والفكر به شوشه وناس وحلالي = مدري من السارح ولا الضاوي الأت

ملقات :- بمعنى ملق اي ارض مفتوحه خليه من الشجر والحجر

[الطائر المهاجر]

يعني كذا ماني بوضعي لحالي = كل عليه من الزمن خطو عرقات
وان تكان تبغى علاج فيه العجالي = لحس بقره بالهند مضمون ميات

[الطامي]

ها ها ها ها ها ياهملالي = رحنا وطي وحنا ندور السلامات
يالطاير اللي فوق طاير وعالي = منك السلامه والغنومه اذا جات
ماريد انا طبك ابي راس مالي = كلش ولا السان البقيرات بالذات

[ابوعبدالرحمن القريشي]

الشيب ماهو عيب عند الرجالي .......... ولو كان عذروب(ن) بعين البنيات
وان كان مالك بالزواج احتمالي ...........لو كان راسك ثلج مابه معيبات

[الطائر المهاجر]

حديثنا عن صلعةٍ كالجبالي = تلمع براسك مثل بعض المجرّات
ان عندك مثلنا يالشمالي = قرب ترى علاجك قريب المسافات

[ماجد الزيد]

من قبل خمس ولون راسي ظلالي=اسود غراب البين ولافيه صلعات
لابي صلع حمد(ن)لرب الجلالي=الا ان شيبي فوق راسي علامات

[الطائر المهاجر]

قنفذ ابيّض ساكنٍ بالجبالي = يجيه من دهره ولو بعض آفات

[ماجد الزيد]

ماللقنافذ فوق راسي زوالي =الا طويل العمر لاقيل قد مات
يالطاير الدنيا تجيب الهبالي=كم من حليم(ن)صاير(ن)فيه زوغات

[بنت العز]

لاذكر ماااااااااات اااااامين الله يعطيكم العافيه لا هنتو بس صعبه الواحد او الوحده خاصه بعد ال40 ما تطل في المرايهالشيب ماهو عيبوالله يخلي الصبغات اشكال والوان ماعندي قصيد وش اسوي