أنـا والحروف

[عزيزه العزيزه]

المشاركة الأصلية كتبت بواسطة محمد اسماعيل الرفاعي

ومرقت للكون الفسيح
فتّشت في كل البطاح
دار العُجم ودار الفِصاح
عاينت في كل الوجوه
وسألت بالقول الصراح
ما لقيت لي زولاً بشبهك
أو في نضارة وجنتيك
أوحتى ضحكة مقلتيك
أنا أصلي يا سمح الخصال
مشتاق أمد حبل الوصال
مفتون وكاتلني الحنين
لي أي حاجه بتشبهك
جواي سامع صوت أنين
ومن وين وين بتكرّفك
وبي ننظرة منّك يا الرزين
بتبلا تب شوق السنين
شان ياجميل أنا مشتهيك
مفتون وروحي بتهفو ليك
ورغم البعاد بشعر معاك إنك معاي
وأقرب لي من حبل الوتين
وتعبت أضناني التعب
ورجعت بي خفي حُنين
فتّشت في كل اللغات
جمّعت في حلقي الحروف
رصّيتا جت وقفت صفوف
واحترنا كيفن نوصفك
وسرحت في تفكير عميق
وحتى الحروف يا صنوي إحتارت معاي
وقفت حِداي متلفّته وحاديها خوف
شان عاجزة إنها تنصفك
الجيم نكر حتى الصلة
مابينو أو بين الجمال
والميم لبد حالف يمين
منّك زمان إتضارى مال
والياء بيبكي وينتحب
و دموعو دار تسقي الرمال
واللام حرن غالبو الكلام
ناكِر علاقتو مع الجمال
والهاء يهوِّم في وجوم
تمتم وقال على أيِّ حال
هذا الجمال الفيك محال
يتـــلم في زولاً سواك
ولو ما الصفات الظاهرة فيك
ما كان تكون ابداً بشر
وممكن تكون .. في هيئتك مخلوق براك
لاك جني لا شبهك ملاك

اهنك اخي عليها

احسنت
صنعا

[محمد اسماعيل الرفاعي]

المشاركة الأصلية كتبت بواسطة عزيزه العزيزه

اهنك اخي عليها

احسنت
صنعا

عزيزة لك عاطر المودة
مشكووورة على المرور

[محمد اسماعيل الرفاعي]

المشاركة الأصلية كتبت بواسطة احمد الحميدي

حروف رائعه يكتنفها الشفافية


تسلم على هذا الاحساس

وربي يحقق لك ماتصبو إليه

الحديدي
شكري وتقديري وخالص مودتي
لله درك سيدي

[بنيان]

احسنت
فيما قدمت لنا
تحياتي

[الخنساء]

بارك الله فيك
جميل ما اطلعت عليه
تحياتي واحترامي

[داعي الشوق]

استمتعت بالقراءة
شكرا جزيلاً
تحياتي الطيبه