تفضل ياشاعرنا العزيز الطائر المهاجر

سرااااااااااااااا

لييييييييييييييييييييييييلك

[متعب المتعب]

الزمن يالمهاجر صايرن قلبّان=جعل يسلم مقامك والوفا محتويك
عرفهـم للمراجـل دان دانــه ودان=وناقص العقل يحسب طير الاحرار ديك

[الطائر المهاجر]

والنتيجه رجال خادعه للعيان = تخدعك بالمظاهر دايم تبتليك
لايغرك لباس الرجل تحسبه شان= ولا يغرك كلامه تحسب انه يبيك

[متعب المتعب]

المراجل تبي فزعه .. وظـل .. وأمـان=ماتبي طفل دايج .. ضايع(ن)فاالسكيك
حرفك اللي يجينا ما يبيله ضمـان=دام قدر الكلام اللي يجي كالسبيـك

[الطائر المهاجر]

في الفطاحل نحاول من شمال ويمان = نجمع رجال تسوى بالمراجل تجيك
وغيرهم ما ندور ما نبي للطمان = مير بلوى تجي ممن تعده أخيك

لاهنتو

كفيتو

و وفيتو

[متعب المتعب]

لاتناموووووون يالفطاحل

صح لسانك يالعزيز الطائر المهاجر


خلوووووووووووووووووها .........

انت سمح المحيا وقدركم مايهان=للمراجل سنام وراسها محتفيك
الشجر يالمهاجر لا اثمر وزان زان=ترتميه الحجاره من نجاحك يجيك

[الطائر المهاجر]

الزمن غير نفوس البشر بالهوان = وصار كل يفكر كيف هو يرتهيك
دام طيب يحسبك خايف او جبان = ما تعود على الطيبه ولا له شريك

[متعب المتعب]

الزمن ماتغير .. والمواقف تبان=والحقود المخرب في ظلامه يحيك
انت ذيب المساري وانت فعل وضمان=وغيرك اللي عنيته بين رقص ودبيك

[سالم العبيدي]

الله الله يا ابو عبدالله صح لسانك والله لايهينك يامتعب امتعتنا