من طاح ماحوله من الناس عـتـبــان

[الخنساء]

المشاركة الأصلية كتبت بواسطة فواز الغسلان

من طاح ماحوله من الناس عتبان=او يسمعه رجلٍ خواله عتيبه
فهو طايحٍ رجواه في كان ما كان=يلقى الفزع والا تحدر نصيبه
شهادةٍ يشهد عليها ابن غسلان=ومن كان وسط الناس يدرى نصيبه
من عقب ماخاويت عالم وعربان=شباب واللي لاح بالوجه شيبه
ولقيت بالعربان زودٍ ونقصان=مثل الخيول ملافحات السبيبه
لكن سنام اهل الفزايع والاكوان=واهل المواقف بالوقوت العصيبه
في روق مع برقا صواريم عدنان=اللي بوقت الكون تجدع حريبه
لاصاح صياح الاجاويد بلشان=وبيبان حل القوم ماهي قريبه
يشكي دروبٍ به ثمانين شيطان=وجرحٍ عجز ياصل حراوي طبيبه
ونخواه ضاعت بالهواء تقل دخان=مع عاصفن بالصيف يدفن قليبه
ياكثر من يبقى من الناس نعسان=او قال بلشات العرب وش نبي به
الا العتيبي ينفجر فيه بركان=وكبده على الفزعات يقدح لهيبه
اصغرهم اللي بالفزع طير حوران=والا تشوفه مثل سرحان ذيبه
حاديه طيبٍ عايشٍ طول الازمان=مع والدٍ يشفق لطيبة نسيبه
وقلبٍ بموج الطيب يسقيه شريان=وجيلٍ قديمٍ شاع بالناس طيبه
شبابهم تغني عن الناس شيبان=وجنودهم فاقت مراتب نقيبه
ولا طاع بدروب الردى نصح كوبان=والطيب لا مطمع ولا هو غصيبه
لاشك ماله بالمهاريب بيبان=ونفسٍ تشوف الهون عار ومعيبه
والناس كله بالفراغات شجعان=وتسمع هروجٍ بالخلايق عجيبه
والكود لطبوع المخاليق ميزان=لا قام وقت الكود يقرى خطيبه
يظهر لك اللي يحتمي تال الاظعان=ويمناه تغني عن جيوش وكتيبه
يذري على الشده ضعافى ويتمان=ورجلٍ وقع بالناس ساقه حطيبه
ونسل الردى يبني مخابي وجدران=ويشرب من دلال الفزايع سريبه
من لاذ به في ساعة الكود خسران=ويابعد مشرق شمسها عن مغيبه
ولا لي مع العتبان مطمع وخلان=لاشك جحد الطيب ياناس خيبه
وانا اشهد انه بالفزع شانهم شان=ومن يجحد اهل الطيب ربي حسيبه
وليت العرب عند المفازيع عتبان=وياقرب طيب اللي خواله عتيبه

صح لسانك مليون ولايكفون
جزلة من شاعر جزل
سلمت ودام حرفك

[الطائر المهاجر]

والنعم بعتيبه وبك
صح لسانك واعتلى شأنك
نص رائع من شاعر رائع
لاهنت يالغالي
تقديري واحترامي

[احمد الجريفاني]

ابدعت يا الغالي ويستاهلون

ذكرتني قصيدتي بعتيبه الذي مطلعها
الطيب راسخ في قبيل عتيبه=ودك تأكد زود عاشر عتيبي
وهذا مصداق لابياتك سلمت 0

[نايف عليان الذويبي]

وليت العرب عند المفازيع عتبـان
وياقرب طيب اللي خوالـه عتيبـه





صح لسانك كبرت راس عتيبه

بيض الله وجهك .. ولي الشرف بمعانقة هالرائعه

من غير قصور بالرجال

لاهان حرفك ونزف عزفك

[نفحات حساسة]

صح السانك.. فواز
واعتلى شانك..جزله من راس جزل
يعطيك العافيه اخوى
ولى عودة تليق بها..
تحياتى..

[سليل المجد]

صح لسانك وفكرك
وكلمة حق في قبيلة تستحق
لاهنت
تحياتي

[عبدالله مذكر العقيلي]

صح لسانك

وعلاشانك

جزله من راس جزل


تحيتي

[الـزلـزال]

فواز الغسلان
قصيدة رائعه ومميزه وجزله
من شاعر تعودنا منه تقديم كل مميز وجزل
أبدعت شاعرنا وأمتعت رعاك الله
صح لسانك ملايين ملايين
ولك فائق تحياتي وتقديري

[عدنان كريزم]

صح لسانك ولا هنت يالغالي

[بنت العز]

صح سانك وعلا شانك
تسلم لاهنت
يعطيك العافيه
تحياتي