هيضني البارق اللي لاح وقت الغروب(بالصوت)

[الخنساء]

هيضني البارق اللي لاح وقـت الغـروب
والغيمـة اللـي سـواد الليـل خيّالـهـا
تمشي على مهلها ريـمٍ تخـاف الهبـوب
تخشى يطير الشعـر مـا يمسكـه شالهـا
حتى اعترضها سنا بـرقٍ غريـرٍ لعـوب
يلعـب بسيفـه يغـازل همّـه اشغالـهـا
تركض ويركض وراها مثل ذيـبٍ قنـوب
ضاقت وصاحـت برعـدٍ تنخـي خيالهـا
وقامت تعبّر وتصـرخ اتعبتهـا الـدروب
لولا البرَد ما تركهـا البـرق فـي حالهـا
يا غيمة السعد هلّـي واغسلـي للذنـوب

صح لسانك مشرفنا
لاهان راسك قصيدة رااائعة
سلمت وسلم شعرك
دمت بخير

[إستبرق]

يا غيمة السعد هلّـي واغسلـي للذنـوب
ياعـلّ تصحـى ضمايـر طـال مقيالهـا




منفـرد بفكرك وبشعركـ


صـح لسانكـ آيها القدير


ودآم التـألق عنوانـكـ

[منيع احمد القرني]

نقرا فنستمتع
ونقرا فنستفيد
ونقرا فنسجل الاعجاب
دمت بخير
وتحياتي المتجدده

[طلال سويعد]

صح لسانك أبوعبدالله

وافيه من وافي


كتبت فأبدعت


لله درك من رائع

مودتي؛؛؛؛؛؛؛

[محمد بن عمار]

	السلام عليكم أستاذي الفاضل د/ عثمان سلمت يمناك صح لسانك وجاد بيانك جزل جزل يا بعدي فديتك تقبل ودي ووردي وتواضع مروري محمد بن عما ر

[صعبة المنال]

صح لسانك وفكرك

دوم تميز يا ابو عبدالله


صعبة

[حي الضمير]

صح لسانك ياشاعر العثمانيات

[سناعيس]

ياحب وينك ترى في الحب مااقـدر اتـوب
فالروح تشكـي فـراق الـروح واهمالهـا
يا زين ذيـك الليالـي والخواطـر تجـوب
والحب يجمـع شتـات قلـوب بوصالهـا

الطائر المهاجر
صح لسانك
وبعدين وشوله تتوب يابن الحلال
مالنا غناة عن الحب بجميع أشكاله وألوانه
لأن اللي يحب عمره مايكره الا ماشذ من البشر
لاهنت يابو عبدالله على هذه الرائعه قلبك خضر يابعدي
تحياتي

[عايض المقاطي]

فنجال واحد ينسّيني طريق الجنوب = فنجال ثاني يفك رموز ارسالها
فنجال ثالث اسافر مع خفايا الغيوب = وارجع إلى الفكرة اللي كنت رحّالها
الله على الحب لا منّه سكن في القلوب = يروي عروقٍ ظمايا يحي اوصالها

الله الله


فلسفه وجندلة كلمات على طريقة الكبار



صح لسانك يابو عبدالله



..ولك موفور التحايا..

[النهج المختلف]

ابحث عن الفجر الاعرج في صحارا القلوب= يالله دخيلك تلولس ما لقى ظلالها
قررت حبس الخيال وكل فكر مْحسوب = واطلقت خيل الشعر في الحب تجوالها
ياحب وينك ترى في الحب مااقدر اتوب= فالروح تشكي فراق الروح واهمالها
يا زين ذيك الليالي والخواطر تجوب = والحب يجمع شتات قلوب بوصالها

صح السانك الطائر المهاجر

غزلية جزلة من شاعر جزل ومتمكن ,,,

ياسلام عليك استاذي إبداع جديد و رائع ,,,

تحياتي وتقديري ,,,