الطيار ياهلا بك والجميع

[الطائر المهاجر]

من سمع هرجك يقول غلام اكه = وانت شايب هاص من حكيه فضيع
جاهل بالطير جعل الله يفكه = من عيون الحسد من عودٍ وقيع

طارت عيوني وصاب الراس حكه ***** عقب صن خانه السوق الشنيع
عند ناس تجمع الزات وتسكه ***** شربوا الصنعه وانا توي رضيع

[سناعيس]

خل عنك التواضع ياولد لاتلكه=هات عذب القوافي زمها ولاتريع
انت دوم الدليله والطلاسم تفكه=قارمن للمواقع عارف ماتضيع

مالي يا عود الفطاحل منك فكه=ناشب بالحلق من بد الجميع
ارسلك لطريف ثم تروح مكه=من فعالك ضاق بي الثوب الوسيع

[ابو زياد]

لي رفيق غالي والله مافكه=لين يدخل ثم يعطينا البديع
غالي عندي وهو مافيه شكة=خبروني كان شفتوا لي منيع

كلنا نحبه ولا فيذا مشكه=بس اظنه رافع خشمه رفيع
كان شفته فامسكه واصحى تفكه=واكنز الغالي وجود لا تبيع

[ابو زياد]

هل توقع صايبه ذا اليوم تكه=او توقع كاشت يم الوسيع
لين جاب العلم جابه ما يركه=وان طلبته حاجة جالك فزيع

[منيع]

العفو ياصاحبي بالحال ربكه=وانت محل النفس ياالشهم المنيع
من حضرمنا يسد مافيه لكه=وابشربسعدك ولاهنتو جميع

[ابو زياد]

هلا اخوي منيع ارحب لنا يومين فاقدينك
وانت غالي قلنا مالنا الا نحارشه

يابوطله شورتك؟ والحال ركة=وش بلا مهنتك يالمشرف تريع1
الخساير لازمت من دون فكة=رايكم نعرض نبيع او مانبيع

ركه هنا=ضعيفه بعيد عنا وعنكم

[منيع]

ابوطله جاه جني وصكه=هومع عثمان وارحم ياسميع
لاتشاورمابهاريب وشكه=الربع منها هبيل اووجيع