تعاويذ السهاد

[نفحات حساسة]

صح لسسسسسسسانك
قصيده جزله..مبدع
تقبل تحياتى..

[الخنساء]

المشاركة الأصلية كتبت بواسطة ناصر عبيد الهواوي

الصدر ضيق وضيقه بعض كلمات=إقري تعاويذ السهاد إن قريتي
الجفن عاف الغمض والقلب مابات=النوم عيا لا يجي وش هقيتي
ياشامخة سجي دروب ٍ بعيدات=لا تزملين من السفر لا إنتويتي
على الشبح ماهيب مركوب هافات=شدي حزامك فوقهالا استويتي
والخط حطي له رموز وعلامات=لا تشرحينه كان ماقد دريتي
الحر حول من جبال السراوات=هفه هبوب وراح يمة حفيتي
صيد الحباري بالصحاري صعيبات=يبي السمك جاها بماها بهيتي
وقولي لمن صاغ العلوم العجيبات=باخلاق واسلوب ٍ جميل إن قويتي
من قط خاويته ودون العرب بات=يسرون من فيفا لحد الكويتي
ماهمهم فري الفجوج الوسيعات=ما ابكيك يارجلي لو إنك حفيتي
اجنب بنا والا هوانا شمالات=وتلزمك خوتنا ولو ما بغيتي
يموت فقر اللي يعيش بحيالات=لو صار له لجة وصجة وصيتي
يمكن يفاخر بالفعول الكبيرات=من راح مع صياف والا الثبيتي
يامطرقي ترا كبير المعيبات=لو في لزوم اوميت بك وإنثنيتي
ولي مسعفن يقول تذكر بمافات=الى سطيت اخلي الحي ميتي
إما نفعتك بالمحن والمهمات=تبكي علي امي وينهد بيتي

صح لسانك مليون ولايكفون
بوح رائع لاهنت وبيض الله وجهك
سلمت ودمت بخير

[صعبة المنال]

ألله الله
بوح راقى

سلمت وصح لساااااااااانك

[سناعيس]

يموت فقر اللي يعيش بحيالات
لو صار له لجة وصجة وصيتي

صدقت ياناصر الهواوي
صح لسانك ولله درك
على هذه الرائعه


تحياتي

[سلطان العطاوي]

صح لسانك واعتلا شانك
ابيات راقيه كرقي حضورك
لا خلا ولا عدم

[الـزلـزال]

يمكن يفاخر بالفعول الكبيرات=من راح مع صياف والا الثبيتي
يامطرقي ترا كبير المعيبات=لو في لزوم اوميت بك وإنثنيتي

ناصر الهواوي
قصيدة جميلة ومتقنه
من شاعر عودنا على تقديم كل شامخ وجزل
أبدعت غالينا وأمتعت رعاك الله
صح لسانك ملايين ملايين
ولك فائق تحياتي وتقديري

[الطائر المهاجر]

ترفع لمزيد من الردود
التي تستحقها
صح لسانك
ولا هنت
تحياتي

[ناصر عبيد الهواوي]

الله لايهينكم جميعا
صراحة اثلجتوا صدري
بردودكم الجميلة وحضوركم المتميز
لكم جزيل الشكر والتقدير
والسلام عليكم ورحمة الله وبركاته

[عذب القوافي]

مبدع بكل حالاتك

أخي / ناصر

صح لسانك مليون

تقديري ,,,,,,,

[مسلم عواد العميري]

ياسلام عليك وسلم فكرك
جزلة من شاعر جزل
لاهنت يالغالي ...تحية طيبة