مصافحه اولى غابت عن العالم وقلبي وطنها

[الــذاهبه]

المشاركة الأصلية كتبت بواسطة سـعـد العتيبي

السلام عليكمـ ورحمة الله

عيني تشوف اطلال داراً سكنهـا=والدار موحـش والليالـى تعلـى
راحت لياليهـا واخذهـا زمنهـا=وعفت العذارىبعدها لو صفلـى
المهره اللي يـوم تلـوا رسنهـا=اقفا بهـا خيالهـا مافطـن لـي
ماشاف دمع العين منـي ومنهـا=بليل الموادع مادرا وش حصلـي
كم مـرة جابـو لحالـي كفنهـا=من عقبها حالي نحيلـن مولـي
يوم القدر افراح عمـري دفنهـا=ليته دفن وجدي وشوقي وغلـي
قولو لها مايـوم سجيـت عنهـا=قولوا لها دايم معي مثـل ظلـي
حبا على الاحساس يامر وينهـا=لا مانسيته غير لاجيـت اصلـي
يادار ريحة صاحبي فيك صنهـا=ذاب بثراك الورد من خـد خلـي
انا شموخى فوق واقـدر ثمنهـا=بس النصيب اللى خذانى عن اللى
غابت عن العالم وقلبـى وطنهـا=والحظ لا من طـاح مايسفهلـى
راحت لياليهـا واخذهـا زمنهـا=وعفت العذارىبعدها لو صفلـي

مع اصدق واجمل التحايا

الشاعر /سـعـد العتيبي
مصافحه اكثر من رائعه
والله يكون بعونك
صح لسانك وسلم نبضك
وننتظر القادم بشوق
تحيتي

[ابراهيم السنيدي]

الشاعر سعد العتيبي

قصيده جزله من شاعر جزل

دمت ودام هذا البوح الجميل

سلمت يمناك وصح السانك

اخوك ابراهيم السنيدي

[ابو زياد]

الشاعر سعد الله الله عليك قصيدة
قمة في الجزالة والجمال
صح لسانك لا عدمناك

[نجم الإبداع]

ياهلا والله ومرحبا

ابو حسن


صح لسانك وسلم بنانك

مصافحه ولا اجمل

ومنتظرين جديدك


تحياتي واحترامي

[أم ريما]

صح لساااااااانك

ويعطيك العافيه على القصيده الرائعه


تحياتي لك

[الطائر المهاجر]

قصيدة تستحق الرجوع اليها للإستماع بجمالها وجودة سبكها
اعجابي وتقديري
مع أطيب تحياتي

[صعبة المنال]

قصيدة فى قمة الروعة والاحساس
نزلت الدمعه ...
تحياتى لشخصك الكريم

صعب

[ابو أنس]

الفاضل سعد العتيبي.................
قصيدة رائعه معبره تامة السبك والمعنى
مطربه مؤثره لقرائتها لذة ومتعه
سعدنا بها وبقدومك الجميل
لك تحيتي وشكري

سعد العتيبي

صح لسانك على القاف والقافية وروعة المعنى
دمت بخير يا السنافي


أخوك

[ماجد الخيران]

صح لسانك ياسعد

ودمت مبدعا

استمتعت بهذه الجميله