حول التعدد

[منيع]

المشاركة الأصلية كتبت بواسطة المشرف العام

مدام الشرع حللها فحللها على مقدار = ولكن العدل كايد على دق الموازين
وربك يعلم بعدلك فهو من يعلم الأسرار= اذا انته عادل فغيرك ميوله واضحه للعين

اجل انا وانت مع الشرع ماعليها اغبار=وتبقى المشكله بالعدل وهذي مابها تطمين
عليك الله رقيب ويحاسبك لانشرة الاسفار=والفايز اللي مشى على السيره قول امين

[الطائر المهاجر]

وش اللي ينتجه قل العدل من هدم للأسوار = تمعن وانتبه للي يصير بحالة الثنتين
تلاقي وحدة تضحك ووحده تشرب الأمرار= وتسقي المر للأولاد تبي تثأر من المسكين

[منيع]

المشاركة الأصلية كتبت بواسطة المشرف العام

وش اللي ينتجه قل العدل من هدم للأسوار = تمعن وانتبه للي يصير بحالة الثنتين
تلاقي وحدة تضحك ووحده تشرب الأمرار= وتسقي المر للأولاد تبي تثأر من المسكين

ترى حلال الله باقي وتبع صحيح السند والاثار=والمشاكل مشكال مع وحده اومع عشرين
وعدل القلوب كايد (الاتعدلوا) هذاتعبد ياعديم الشار=معترضنا على هذا ولابها شك راجع التدوين

[الطائر المهاجر]

ركز معي على اللي تشوفه من آثار = وزر السجون وتقطع الشك بيقين
فالوقت غير الوقت وافهم للافكار = فالمسأله ماهي خلل يلحق الدين

[منيع]

المشاركة الأصلية كتبت بواسطة المشرف العام

ركز معي على اللي تشوفه من آثار = وزر السجون وتقطع الشك بيقين
فالوقت غير الوقت وافهم للافكار = فالمسأله ماهي خلل يلحق الدين

الحق ابلج واضح من مشابه يمخر الابحار=ماعلينا من مشاكل وهوشة بعض الصايعين
من يناظر لربه وشرعه مابها زحمة افكار=يختلج للبلاوي خشير شيطان رجيم لعين

لك الله يابوعبدالله بنيت الدار جنب الدار=ولا عمري شكيت اللي تقوله يوم فالك شين
تقوله يوم رجلك بالهجار ومخطرك بالنار=اشوفك خايف ٍ من شرّها.! يامال فرقى العين

================

[الطائر المهاجر]

بنيت الدار جنب الدار وتنفي وارد الأخبار= احد امرين مافيها هقاوي تمنع المرّين
يا اما عندك استثناء لبنات من رجال احرار= تحمل كل ماجاها ومن فوق الحمل حملين
ويا اما انك شديد وشايل البندق مع البسطار= وبركان الغضب خامد الى يوم بلاتعيين

[نجم الإبداع]

وانا اعرف كم رجل في بيت واحد كنهن شطار = يراعينه ويخدمنه بنات ارجال واحمر عين
انا اشهد يالزعيم انك فتى وانك صليب اشوار = وحنا عن قريب انشاء الله انا ندرك البرين
اشوف البعض يرمي للبعيد ويقصر المشوار = ولا ادري هو كما ماقلت والا يخفي العينين

[الطائر المهاجر]

معنا واحد من الشيبان من جماعة المسجد وعنده ثنتين ومعهم عيال وبنات كبار ، فأقول له ابو فلان
وش رايك ندور لك بنية توسع صدرك وتجدد شبابك ، لأن اللي عندك صارن كمخ ، فرد بما يلي:
انا حاط لوحة تقبيل على البيت بحريمه وعياله ، توبة إن سويتها ثانية ..
واحد ثاني عنده ثلاث وعيال وأسأل واحد من عياله كيف تحسون تجاه والدكم ،
قال بصراحة من اللي الاحظه على اخواني كل واحد ينظر له على انه مكينة صرف لا اكثر،
فهم مع امهاتهم ، والشايب اللي يخدمه عامل جايبينه له ..

شباب ماخذا خبره من الشيبان له افكار= ولا يدري النهاية يوم ما ياصل إلى السبعين
يحسبون الأمر هيّن ولا يدرون بالأسرار = فقلب ابن آدم كما قبره ما عمره اتسع لاثنين

[نجم الإبداع]

افا وين الكلام الي من اول كنك البيطار = وكم صغت الغزل ياصاح في لبنان والبحرين
ترى قولك عظيم احذر تخالف سنة المختار = وهذا حق من رب السماء متعه لذا المسكين
انا في ذا الزمان اشوفها حاجه لصد النار= واذا مالك هوى فاصمت ولا تشطح فهذا دين